DILI, 17 Novembru 2026 (TATOLI)-Parlamentu Nasionál aprova proposta Orsamentu Jerál Estadu (OJE) tinan fiskál 2026 ba Ministériu Justisa (MJ) ho montante $14.127.131 iha faze espesialidade ho votu a favór 42, kontra 0 no abstensaun 23.
Verba ne’e destina ba saláriu no vensimentu $7.707.129, bens no serbisu $5.604.415, kapitál menór rihun $350, no kapitál dezenvolvimentu $465.587.
Tuir livru proposta OJE 2026, MJ iha Programa Reforma Estadu ho subprograma kuadru legál ho atividade ida.
Programa Asesu Justisa ho subprograma sanulu; asesu justisa, dezenvolvimentu rekursu umanu iha área téknika espesífika, jestaun regularizasaun diretu bens imóveis, reinsersaun sosiál, serbisu prizionál, serbisu kadastrál, jestaun rai no proridade, jestaun informasaun jeospasiál, rejistu notariadu, identifikasaun sívil no rejistu kriminál ho ninia atividade 25.
Programa Funsionamentu no Dezenvolvimentu Instituisionál ho subprograma haat no atividade 13.
Programa Inkluzaun Sosiál ho subprograma implementasaun rezolusaun 1325 ONU, implementasaun violénsia bazeia ba jéneru ho atividade neen.
Durante diskuasaun iha espesialidade, deputadu opozisaun FRETILIN no PLP aprezenta proposta adisionál rihun $82 atu foti husi Dotasaun Jerál Estadu iha Programa Jestaun Finansa Públika hodi tau fali ba Ministériu Justisa nia Programa Asesu Justisa ho atividade jestaun serbisu rejistu sívil no kriminál, liuliu aumenta verba akizisaun pasaporte hodi garante atendimentu di’ak ba sidadaun sira. Maibé, parte Governu la aseita proposta referida tanba iha ona alokasaun verba ba tinan oin.
Notísia relevante: Parlamentu aprova orsamentu millaun $19,887 ba MF
Jornalista: Nelson de Sousa
Editora: Maria Auxiliadora
