DILI, 19 Novembru 2025 (TATOLI)-Parlamentu Nasionál aprova proposta Orsamentu Jerál Estadu (OJE) 2026 ba Provedoria Direitu Umanu no Justisa (PDHJ, sigla portugés) ho montante $2.130.198 iha espesialidade ho votu afavór 44, kontra 0 no abstensaun 21.
Orsamente ne’e aloka saláriu no vensimentu $1.274.806, bens servisu $675.392 no kapitál menor $180.000.
Iha livru OJE 2026 nian, PDHJ iha programa prioridade rua (2) no subprogram hitu (7).
Ba programa prioridade rua (2) hanesan direitu umanu no boa Governasaun ne’ebé prevee osan hamutuk $317.252 no programa funsionamentu dezenvolvimentu institusionál prevee $1.812.946.
Iha diskusaun OJE 2026 ba PDHJ nia orsamentu ne’e, laiha proposta husi proponente bankada Governu tantu bankada opozisaun nian no mós laiha pedidu esklaresimentu ruma husi deputadu sira.
Jornalista : Alexandra da Costa
Editór : Cancio Ximenes
