DILI, 20 Novembru 2025 (TATOLI)—Parlamentu Nasionál aprova proposta Orsamentu Jerál Estadu (OJE) 2026 ba Administrasaun Portu Timor-Leste (APORTIL, sigla portugés) ho montante $4.482.508 iha espesialidade ho votu afavór 45, kontra 0 no abtensaun 18.
Orsamentu ne’e aloka ba saláriu no vensimentu hamutuk $1.580.389, bens servisu hamutuk $2.902.119.
Iha livru OJE 2026 nian. APORTIL iha programa prioridade rua (2) mak funsionamentu dezenvolvimentu institusionál no programa transporte, ho ninia sub-programa hamutuk rua (2).
Ba programa prioridade funsionamentu dezenvolvimentu institusionál ne’e prevee osan hamutuk $2.813.303, programa transporte prevee $1.669.205 no sub-programa operasaun naviu ba pasajeiru no karga prevee $2.813.303 no sub-programa dezenvolvimentu institusionál prevee $1.669.205.
Jornalista : Alexandra da Costa
Editór : Cancio Ximenes
