DILI, 16 Marsu 2026 (TATOLI)—Komisaun Nasionál Eleisaun (CNE) Timor-Leste ho Komisaun Eleitorál Federasaun Rúsia, Segunda ne’e, hametin kooperasaun iha área eleitorál nian.
Tuir Ambassador Extraordinary and Plenipotentiary of the Russia Federation to the Republic of Indonesia, Sergei Gennadievich Tolchenov, informa enkontru ohin ne’e dedika ba diskusaun kona-ba posibilidade kooperasaun liután entre Komisaun Eleitorál sira Federasaun Rúsia no Repúblika Demokrátika Timor-Leste nian.
“Instituisaun rua ne’e kolabora ona iha tinan barak nia laran liuhosi troka servisu no esperiénsia oioin. Ha’u kontente tebes tanba iha tinan kotuk delegasaun ida husi Komisaun Eleisaun Timor-Leste vizita ha’u-nia rain iha fulan Setembru. Durante vizita ne’ebá, ami asina Memorandu Entendimentu (MoU) ida kona-ba kooperasaun bilaterál iha ámbitu eleisaun nian. Tanba ne’e, ohin, ami diskute kona-ba posibilidade kooperasaun nian iha tinan sira tuirmai,” Sergei Gennadievich dehan ba jornalista sira, CNE Kolmera.
“Tinan ne’e, sei hala’o eleisaun parlamentár iha Federasaun Rúsia, no tinan oin mai, Timor-Leste sei hala’o eleisaun prezidensiál. Tanba ne’e, ami diskute kona-ba oinsá partidu rua ne’e bele suporta malu no troka esperiénsia no koñesimentu iha ámbitu eleisaun nian,” nia hatutan.
Iha fatin hanesan, Prezidente Komisaun Nasionál Eleisaun, José Agostinho Belo hateten objetivu husi vizita ne’e atu hametin kooperasaun ne’ebé iha ona.
“Ida-ne’e foin primeiravéz ami hala’o enkontru hanesan ne’e hodi ko’alia diretamente kona-ba planu ba kooperasaun iha futuru. Ami mós partisipa iha organizasaun internasionál oioin ne’ebé iha relasaun ho eleisaun sira, hanesan Organizasaun Mundiál ba Eleisaun sira, iha-ne’ebé ami iha papél iha estrutura ezekutivu nian. Iha relasaun kooperativa entre organizasaun internasionál sira-ne’e ho Komisaun Nasionál Eleitorál (CNE),” Prezidente CNE subliña.
Aleinde ne’e, parte rua mós ko’alia kona-ba programa formasaun ba ofisiál eleisaun sira inklui edukasaun sívika no kapasitasaun téknika. Nune’e, iha independénsia konserteja importante, maibé asegura demokrasia no transparénsia iha prosesu eleisaun nian krusiál liután.
“Ami kolabora ho nasaun oioin, inklui Rúsia, no ami aprende ona buat barak kona-ba teknolojia eleisaun nian, inklui uza sistema votasaun no verifikasaun eletrónika iha prosesu eleisaun nian. Nasaun idaidak iha karaterístika oioin iha nia prosesu eleisaun, inklui kondisaun sosiál oioin, área rurál sira, no estrutura administrativa sira. Tanba ne’e, troka esperiénsia sira maka krusiál,” José Agostinho tenik.
“Ami mós fahe esperiénsia ho nasaun sira iha Europa, Amérika Latina no Áfrika kona-ba jestaun eleisaun no hametin instituisaun demokrátika sira,” José Agostinho salienta.
Nia subliña Komisaun Nasionál Eleisaun mós uza sistema eletróniku inklui komunikasaun ofisiál sira liuhosi email Governu nian.
“Aleinde ne’e, ami diskute kona-ba importánsia hosi formasaun iha diplomasia, protokolu, no teknolojia informasaun nian. Teknolojia, liuliu internet, iha papél krusiál ida hodi moderniza sistema eleisaun nian,” nia konklui.
Jornalista: Osória Marques
Editór: Xisto Freitas da Piedade
