BOBONARU,05 Abríl 2026 (TATOLI)-Hafoin ekipa Ministériu Obra Públika (MOP) liuhusi Institutu Jestaun Ekipamentu Apoia Dezenvolvimentu Infraestrura (IGEADI,I.P) halo normalizasaun durante semana ida, nune’e ohin domingu loron (05/04/2026) ne’e, transporte públiku no privada bele asesu ona ponte Bulobu hodi halo movimentasaun husi kapitál Maliana bá postu administrativu Kailaku, Munisípiu Bobonaru no Munisípiu Ermera.
Ponte refere kotu totál iha loron 18 fulan-Marsu 2026 ne’e impaktu husi korenti bee-mota hafoin akontese udan ho intensidade bo’ot.
Notísia Relevante:Ponte Bulobu kotu difikulta estudante 50 labele asesu bá edukasaun
“Ponte Bulobu Kailaku bele asesu ba mai ona”, Koordenadór Infraestrutura destakadu MOP, Fernando de Fátima, informa ba Tatoli, ohin.
Iha fatik ketak, Komunidade Manuel Afonso, kontente no konsidera intervensaun ne’e bele fasilita ona movimentasaun públiku ba atividade ekonomía, saúde no seluk tan.
“Semana rua ka tolu nia laran,ami sente araska,liu de’it iha mota laran,senti tauk tanba mota bo’ot, maibé di’ak tanba alat Berat estadu nia iha hela mota-laran,bele ajuda ita,maibé ohin bele liu ona tanba hadi’a hotu ona ba oin ami bele halo atividade ho di’ak liu-liu lori produtu lokál ba faan iha merkadu no sasan Sembako sira”, nia afirma
Antes ne’e, Ministru Planeamentu Estratejíku, Gastão Fransisco de Sousa, hateten estrada trosu Mau-Mali Maliana bá Kailaku ho distansia kilometru 26 iha ona prosesu aprovizionamentu finall no iha tempu badak sei anunsia kompaña manan nain atu ezekuta obra ne’e.
Notisía Relevante:MOP monta kontentór lima hodi normaliza ponte Bulobu
Jornalista: Sergio da Cruz
Editor: Florencio Miranda Ximenes
