DILI, 09 Abril 2026 (TATOLI)–Reprezentante Delegasaun Olanda, Hendrik Halbe, hala’o sorumuk ida ho Ministra Edukasaun, Dulce de Jesus Soares, hodi deskute kona-ba fasilita formasaun kona-ba entreprende ba estudante ensinu sekundáriu jerál iha Timor-Leste.
“Ohin mai vizita iha ne’e tanba ita-nia alunu sira mai ho númeru boot kuaze 400-resin, nune’e atu halo kolaborasaun oinsá mak bele ajuda fó treinamentu formasaun iha área ida-ne’e tanba nesesidade ne’ebé di’ak,” Hendrik Halbe hato’o ba jornalista sira iha sala VIP Ministériu Edukasaun (ME) Vila-Verde, Kinta ne’e.
Notísia relevante : ME no Organizasaun EhD planeia realiza formasaun hodi hatán ba estudante nia nesesidade
Nia dehan, idea ida-ne’e sei fó formasaun ba profesór sira, tanba ne’e husi profesór sira ne’ebé hetan formasaun mak sei multiplika ba alunu sira.
“Tanba sira mós iha universidade ida sei posível iha futuru sira bele fó formasaun ba profesór sira. Ministériu Edukasaun iha inisiativa atu esplora posibilidade atu fó formasaun kona-ba entreprende iha nível ensinu sekundária tékniku vokasionál,” Ministra dehan.
Jornalista : Osória Marques
Editora : Julia Chatarina
