KOVALIMA, 14 Abríl 2026, (TATOLI) – Sekretáriu Estadu Kooperativa (SEKoop), Arsénio da Silva Perreira , hamutuk ho Sekretáriu Munisipál Asuntu Sosiál no Komunitária, Filomeno Cardoso, Komandante PNTL Munisípiu Kovalima Superintendente Asistente Polísia Inacio Amaral, tersa-ne’e, kolleta Bafo Kay-Rala ektare haat, iha área Pugol, Aldeia Dais,Suku Belekasak, postu Administrativu Maucatar, munisípiu Kovalima.
“Daudaun-ne’e ita tama iha époka kolleta ni’an, nune’e ohin ita kolleta Bafo Kay-Rala ektare haat,” Sekretáriu Estadu Kooperativa dehan ba jornalista sira hafoin kolleta Bafo Kay-Rala iha suku Belekasak-Kovalima, ohin.
SEKoop informa prosesu époka kolleta hahú iha munisípiu Aileu, Lautein, Baucau, Bobonaru,Likisá no Kovalima .
Tuir planu iha loron 24 Abríl ne’e kolleta iha Mahufahi inklui RAEOA.
Bazeia ba relatóriu Grupu haburas fini mean ho nia membru 15, kuda Bafo Kay-Rala ektare 18, maibé foin kolleta ektare 4.
Bafo Kay-Rala hanesan matéria prima ba indústria tanba iha fatin sira seluk produs ba fali hahan animál ni’an no mós transforma ba fali paun,masi-midar.
“Ita hatene katak daudaun ne’e médiu oriente funu hela ida-ne’e fó impaktu globál no mudansa klimatika bainhira prodús foos no komunidite sira seluk presiza mina atu halo produsaun bainhira la iha hahan ita timor bele han. Ita nia produtór sira prodús ba dahuluk ita presiza asegura seguransa aí -han ba ita”, nia afirma.
Bazeia ba trajetu husi SEKOOP prodús Bafo Kay-Rala hamutuk ektare 189 iha terróriu nasionál nune’e iha Munisípiu Kovalima prodús deit ektare 12 tanba ekater 12 karau mak estraga.
Iha fatin hanesan, Reprezentante Prezidente Autoridade Munísipiu Kovalima, Filomeno Cardoso enkoraja grupu no movimentu kooperativa atu kontinua prodús bafo Kay-Rala.
“Ita kolleta Bafo Kay-Rala ektare haat hatudu nian rezultadu di’ak, nune’e ita kontinua prodús Bafo Kay-Rala tanba bele transforma ba fali dosi no sira seluk tan”, nia enkoraja.
Entertantu, Toos nain Bafo Kay-Rala, Justino Amaral kontente no nia hakarak kontinua atu prodús bafo Kay-Rala la tanba fó benefìsiu ba nia aan rasik.
“ Ha’u hakarak kontinua prodús tanba fó benefìsiu ba ita hafoin kuda durante fulan tolu bele kolleta la’os dala ida de’it, maibé ba datoluk. Hafoin kolleta ita bele hetan ona osan ne’ebé antes kada kilograma ida ho nia folin sentavu 50”, nia garante
Jornalista:Celestina Teles
Editór: Florencio Miranda Ximenes
