DILI, 23 Juñu 2026 (TATOLI)—Selesain Nasionál Arjélia susesu iha jornada daruak grupu J Kopa Mundiál FIFA 2026 hodi halakon Jordánia remontada 2-1 iha jogu ne’ebé hala’o tersa meiudia iha Estádiu San Francisco Bay Area, Santa Clara.
Hafoin lakon 0-1 ba golu ida husi Nizar Al Rashdan iha primeira parte, Arjélia halo empata no hetan vantajen 2-1 tanba suta kantu ida-ne’ebé adekuadu.
Duelo Jordánia-Arjélia la’o iha ámbitu ne’ebé ho intensidade aas oinsá atu buka golu hodi halibur pontu tolu.
Maske kontra-atake maka’as, maibé to’o deskansa hidratasaun nian, laiha ekipa ida mak kria oportunidade klaru. Hafoin deskansa minutu tolu, iha ne’ebé treinadór ida-idak fó instrusaun, intensidade jogu aumenta.
Arjélia kontinua domina, maibé Jordánia nia atake maka’as liu. Jordan besik atu hetan vantajen iha minutu 33. Sorte, Luca Zidane halo salvasaun, nune’e la rezulta golu.
Golu ne’ebé hein kle’ur, to’o ikus mai iha minutu 36, hahú ho kontra-atake ida ne’ebé maka’as hosi meiu-kampo ba karuk, ho Ali Olwan ne’ebé mak halo golu dahuluk.
Maibé golu empata ne’ebé hein kleur ona ikus mai mosu iha minutu 69. Husi kantu, Riyad Mahrez halo kruzamentu ba baliza no Nadhir Benbouali hatama bola ida-ne’ebé maka’as hodi muda muda rezultadu 1-1.
Iha minutu 82, Argélia hatama fali golu husi kantu jogadór Amine Gouiro. Árbitru konsulta ho VAR, maibé baliza ne’e husik hela tanba konsidera la’ós inisia husi movimentu offside, nune’e rezultadu 2-1.
Ba tempu atu termina, Jordan fó fali presaun maka’as. Maibé, to’o árbitru Slavko Vincic huu apitu finál, la marka tan golu ida, nune’e Jordan hetan eliminasaun husi Kopa Mundiál 2026 nian.
Jordania nia jogadór
Yazeed Abulaila; Abdallah Mousa, Abu Dahab, Yazan Al Arab; Ihsan Haddad, Noor Al Rawabdeh, Nizar Al Rashdan, Mohannad Abu Toha; Mousa Altamari, Ali Iyad Olwan, Mahmoud Almardi
Arjélia nia jogadór
Luca Zidane; Rafiq Belghali, Aissa Mandi, Ramy Bensebaini, Rayan Ait-Noiri; Hicham Boudauoi, Ramiz Zarrouki, Ibrahim Maza; Riyad Mahrez, Amine Gouiri, Fares Chaibi.
Jornalista : Hortêncio Sanchez
Editór : Cancio Ximenes
