DILI, 26 Juñu 2026 (TATOLI)—Selesaun Nasionál Olanda asegura nia fatin iha Jornada 32 hafoin halakon Tunízia ho 3-1 iha jogu datoluk iha Grupu F Kopa Mundiál 2026, sesta dadeer oras Timor-Leste nian.
Jogu ba ekipa rua hala’o iha Estádiu Kansas City, Missouri, Estadu Unidu, Olanda hahú kedas jogu ofensivu.
Bainhira jogu hahú ho kontra-atake ne’ebé maka’as husi Olanda halo ekipa afrikanu ne’e book an la di’ak, ikus iha minutu tolu (3), jogadór Tunízia hatama rasik golu ba sira nia rede bainhira bola barullu muda rezultadu ba 1-0.
Golu ne’e mosu tanba erru ida hosi Ellyes Skhiri. Envez dudu bola ba liur husi kruzamentu ne’ebé ki’ik, Skhiri nia suta tama iha nia rede rasik.
Liutiha minutu haat, iha minutu hitu, jogadór Olanda Brian Brobbey duplika vantajen Olanda nian ba 2-0.
Golu ne’e realiza tanba simu pasajen matenek ida hosi Virgil van Dijk iha área penalti nia laran, Brobbey lansa suta ida ba dala uluk hosi distánsia besik ne’ebé mak guarda-rede Aymen Dahmen labele hapara.
Hafoin hetan vantajen ho golu rua, Olanda kontinua domina jogu ne’e. Sira lansa atake lubuk ida, maibé laiha golu seluk ne’ebé maka marka antes tama ba intervalu.
Tama ba segunda parte, iha minutu 54, Tunízia konsege redús eskoru ba 1-2 grasa ba kabesa husi Hazem Mastouri husi kantu.
Árbitru Katia Itzel Garcia Mendoza halo revizaun badak ba VAR hodi verifika se Mastouri nia golu ne’e úmidu. Golu ne’e hetan kedas prémiu, no Tunízia selebra lahó ezitasaun.
Maibé, jogadór Olanda la nonok, jogadór Jan Paul Van Hecke halo jogu kualidade aumenta vantajen Olanda nian ba 3-1 iha minutu 62 ho kabesa ne’ebé koloka ho di’ak hosi kantu.
Golu Hecke nian halo vitória Olanda nian hasoru Tunízia ho 3-1. Rezultadu ida-ne’e asegura sira nia fatin iha Ronde 32 nu’udar manan-na’in Grupu F nian.
Virgil van Dijk ho nia kolega sira asegura pontu hitu hosi jogu tolu. Olanda sei akompaña ho Japaun, ne’ebé maka hetan segundu lugar iha sira nia grupu hafoin empata 1-1 hasoru Suésia.
Samurai Azúl sai hanesan ekipa aziátiku dahuluk ne’ebé avansa ba faze eliminatória hosi torneiu ne’ebé hala’o iha EUA, Kanadá, no Méxiku.
Tunízia nia jogadór
Aymen Dahmen; Yann Valery, Rani Khedira, Montassar Talbi, Amine Ben Hamida, Ali Abdi; Ellyes Skhiri, Hannibal Mejbri, Ismael Gharbi; Hazem Mastouri, Ben Slimane
Olanda nia jogadór
Bart Verbruggen; Denzel Dumfries, Jan Paul Van Hecke, Virgil Van Dijk, Nathan Ake; Ryan Gravenberch, Frenkie De Jong, Tijjani Reijnders; Donyell Malen, Brian Brobbey, Cody Gakpo.
Jornalista : Hortêncio Sanchez
Editór : Cancio Ximenes
