DILI, 30 Juñu 2026 (TATOLI) – Prezidente Repúblika (PR), José Ramos-Horta, informa fali ba Parlamentu Nasionál kona-ba kanselamentu nia vizita bá distritu (kabupaten) Belu, iha provínsia Nusa Tenggara Timur (NTT), Indonézia, ne’ebé prevista iha loron 28 fulan-Juñu ne’e.
Xefe Estadu informa tanba antes ne’e órgaun lejizlativa aprova ona asentimentu hodi hetan autorizasaun bele hala’o viajen referida.
Tuir karta Xefe Estadu nian, hato’o ba Parlamentu deside kansela viajen tanba ho lutu nasionál ne’ebé dekreta iha sekuénsia falesimentu saudozu eis-Prezidente Repúblika, Francisco Guterres “Lú Olo”.
Bibán ne’e, Ramos-Horta hato’o mós ho efeitu dispostu iha númeru 3 iha artigu 80 Konstituisaun, sei auzente iha territóriu nasionál ho dezlokasaun privada bá Bali, Indonézia entre loron 28 no 30 Juñu 2026, inkluziva ba realizasaun ezame médika rotina.
Lembra katak vizita PR bá NTT hodi partisipa Festivál Fulan Nehan ba dahaat.
Viajen ne’e ho objetivu mak hametin kooperasaun kulturál entre povu Belu no Timor-Leste.
Notísia relevante: Parlamentu autoriza viajen PR bá NTT hodi partisipa Festivál Fulan Fehan
Jornalista: Nelson de Sousa
Editora: Maria Auxiliadora
