DILI, 16 Jullu 2026 (TATOLI) – Jogadór atakante ne’ebé hanesan jogadór suplente Lautaro Martinez sai eroi iha jogu semi-finál Kopa Mundiál 2026 bainhira Arjentina kontra Inglaterra, ho nia golu lori ekipa Tanglo semo ba finál hodi luta hasoru Esapña.
Jogu ba ekipa rua hala’o iha Estádiu Atlanta, kinta madrugada oras Timor-Leste nian no Arjentinan lidera jogu 2-1 hodi tebe-sai Inglaterra.
Bainhira jogu hahú ekipa rua lansa kontra-atake ba malu tuir tékniku no abilidade ne’ebé iha, Messi ho nia kolega sira halo presaun ba Inglaterra, maibé Inglaterra la nonok, luta kontra.
Jogu la’o husi minutu ba minutu to’o primeira parte termina rezultadu 0-0 no laiha ekipa ida lidera jogu.
Bainhira segunda parte hahú, Arjentina ataka kedas. Sira sai ameasa ida liuhosi Julian Alvarez. Alvarez tama iha kaixa penalidade no hasai suta maka’as ne’ebé maka hetan blokeiu hosi Jordan Pickford.
Maski Arjentina parese domina iha inísiu primeira parte, maibé Inglaterra mak marka uluk. Golu Inglatera marka husi Anthony Gordon iha minutu 55.
Golu ne’e mosu hosi atake lalais Inglaterra nian ba fuan hosi defeza Arjentina nian. Maski onda dahuluk hosi atake sira hetan frustrasaun, Inglaterra hetan nafatin bola daruak no kontinua aplika presaun.
Ho bola iha Morgan Rogers nia ain, nia haruka pasajen ida ba poste dook. Anthony Gordon iha pozisaun perfeitu atu hasoru bola no suta ba baliza.
Hafoin monu ba kotuk, Arjentina tenta aumenta presaun ba baliza Inglaterra nian. Nico Gonzalez lori hodi troka Leandro Paredes iha minutu 64.
Liutiha minutu haat, Gonzalez konsege kabesa bola liu husi baliza. Bola ne’e hetan paradu ho di’ak tebes hosi Jordan Pickford, hodi salva Inglaterra hosi sofre.
Inglaterra deside atu hametin sira nia defeza hodi lori Ezri Konsa iha minutu 72. Nia troka Gordon, hodi asegura katak Inglaterra sei sai forte liu iha defeza ba tempu restu.
Arjentina mós koko atu lori jogadór foun sira. Nicolas Otamendi, Rodrigo De Paul, no Gonzalo Montiel maka lori mai.
Ameasa Arjentina mosu fali iha minutu 76. Dala ida-ne’e, Alexis Mac Allister dudu bola ba baliza. Maibé, Pickford konsege asegura bola ho di’ak.
Enzo Fernandez konsege empata eskoru 1-1 ho suta dook iha minutu 85. Enzo nia tiru la’o ho di’ak liu Pickford. Nia hetan bola pasa husi Lionel Messi.
Bainhira jogu tama iha tempu adisionál, Arjentina konsege lidera. Lionel Messi nia kruzamentu monu loos iha Lautaro Martinez nia oin.
Lautaro kabesa bola ba rede ne’ebé nakloke. Arjentina hetan vantajen 2-1 iha tempu lezaun nian.
Laiha tan golu sira iha tempu ne’ebé restu. Arjentina kualifika ba finál Kopa Mundiál 2026 nian.
Alineasaun jogadór
Inglaterra:
Emiliano Martinez; Nicolas Tagliafico, Lisandro Martinez, Cristian Romero, Nahuel Molina; Enzo Fernandez, Alexis Mac Allister, Leandro Paredes, Giuliano Simeone; Julian Alvarez, Lionel Messi.
Arjentina:
Emiliano Martinez; Nicolas Tagliafico, Lisandro Martinez, Cristian Romero, Nahuel Molina; Enzo Fernandez, Alexis Mac Allister, Leandro Paredes, Giuliano Simeone; Julian Alvarez, Lionel Messi.
Jornalista: Hortêncio Sanchez
