DILI, 17 dezembru 2019 (TATOLI) – Komisaun Anti Korrupsaun (CAC-sigla portugés) kontinua halo sensibilizasaun kona-ba prevensaun korrupsaun iha Munisípiu Aileu, Suai, Ainaro, Viqueque, Lautem ho Baucau, hodi promove governasaun di’ak.
Notísia Relevante : KAK Konsidera Importante Tebes Konsolida Instituisaun Estadu
Adjuntu Komisáriu ba asuntu Prevensaun Korrupsaun no Sensibilizasaun, Luis Oliveira Sampaio, informa, alvu hosi sensibilizasaun ne’e atu bele partilla informasaun no konsensializa povu sira atu bele iha koñesimentu ba risku korrupsaun.
Iha biban hanesan espesialista husi KAK sira mós kontinua halo sensibilizasaun ba juventude no estudante nivel sekundária atu hatene mós kona risku korrupsaun.
Biban ne’e, Komisáriu KAK, Sergio Hornai afirma, KAK kontinua alerta ba instituisaun publika sira atu servisu tuir lei no orden.
Nia dehan, bainhira halo desizaun ne’ebé mak sala no kontra lei no sei simu responsabilidade kriminál.
Notísia Relevante : FONGTIL Husu KAK Kontinua Investiga Kazu Ne’ebé Fó Prejuizu ba Estadu
Jornalista : Domingos Piedade Freitas
Editór : Francisco Simões
