DILI, 15 fevereiru 2023 (TATOLI)—Prezidente Arquivo Museu Resisténcia Timor-Leste (AMRT), Institutu Públiku (AMRT, I.P), Hamar Antoninho Alves, hateten jardin Chama Eterna ne’e hanesan símbolu rekoñesimentu Estadu Timor-Leste ba saudozu sira-ne’ebé mate iha funu laran.
Notísia Relevante: Konstrusaun Jardín Chama Eterna tama ona iha faze finalizasaun
“Atu hateten jardin Chama Eterna ne’e rasik símbolu rekoñesimentu hosi Estadu ba ita-nia saudozu sira katak mate nia klamar moris fali. Konstrusaun Jardin Chama Eterna ne’e ho nia sentidu ne’e, Estadu fó rekoñesimentu no fó valorizasaun ba ita-nia saudozu sira mate, tantu mate iha funu laran ne’ebé ita hakoi no mate maibé ita la hakoi. Objetivu mak atu rekolla objetu sira uluk iha 2015 hatuur hanesan primeira pedra entaun hosi lansamentu primeira pedra ne’e loke halo muzeu, halo Estadu tékniku entaun ohin ita halo abertura ba konstrusaun mak ita tenke salva guarda objetu sira,” Prezidente Arquivo Museu Resisténcia Timor-Leste (AMRT), Institutu Públiku (AMRT, I.P), Hamar Antoninho Alves nia dehan ba jornalista sira, iha edifísiu AMRT, Colmera, kuarta ne’e.
Iha Jardin Chama Eterna ne’e mós sei instala espozisaun permanente ne’ebé liga ba rezidénsia povu Timor-Leste nian iha faze da colonial salazar mai to’o ohin loron.
“Ita hahú ona halo peskiza no nia durasaun durante fulan-18 no ita planu katak bainhira konstrusaun finaliza, AMRT sei disponibiliza ba públiku hodi asesu espozisaun no jardin ne’e rasik,” nia hateten.
Konsultór ne’ebé konstrusaun Jardin Chama Eterna ne’e kompañia lokál rua mak Star King ho Aitula mak manan.
Osan ba kontrata ne’e hamutuk millaun $5.059.000,00, iha ne’ebé $.4.548.000,00 ba konstrusaun obra, osan $351.500,00 ba supervizaun obra no besik $160.000,00 aloka ba realizasaun estudu tékniku.
Jardin Chama Eterna ne’e, signifika pasu importante ida ba divulgasaun patrimóniu istóriku pasz nian, nune’e mós hametin identidade nasionál.
Enjiñeiru Star King, Alfredo da Silva, hateten tuir kontratu ne’ebé iha kompañia sei finaliza iha fulan 18 mia laran hahú fulan fevereiru to’o agostu tinan 2024.
“Ita-nia esperansa ba konstrusaun ne’e ita sei termina durante fulan-18 maibé udan laiha ka la impede, ne’e iha la to’o fulan 18 ita bele finaliza,” nia dehan.
Notísia Relevante: AMRT Aprezenta Ona Modelu “Jardim da Chama Eterna” Ba Altu Entidade
Jornalista : Osoria Marques
Editór : Cancio Ximenes
