DILI, 01 Abríl 2026 (TATOLI)—Joven ida hetan sona iha kakorok, iha área Fatuhada, daudaun ne’e halo ona tratamentu iha intensivu iha Ospitál Nasionál Guido Valadares (HNGV).
Kazu ne’e akontese iha Kuarta (01/4) maizumenus tuku 17:50, bainhira joven ne’e la’o hela derrepente ema deskonesidu sona iha kakorok, ne’ebé asaun ne’e halo sidadaun ne’e hetan kanek grave no nia halai tama ba área Kuartel Jenerál FALINTIL-Forsa Eefeza Timor-Leste (F-FDTL). Nune’e, Militár sira lori vítima bá liu Ospitál Nasionál.
Notísia relevante : Pesoál Saúde iha HNGV sosa Formalin sona mate-isin iha mortuáriu
Komandante PNTL Munisípiu Dili, Komisáriu Asistente Polísia Orlando Gomes, hateten, Polísia buka tuir suspeitu ba kazu tentativu omesídiu ne’e.
“Problema iha merkadu laran, Komoro maka halai bá Fatuhada,” Komisariu Asistente Polísia Orlando Gomes, hateten, ba Ajénsia TATOLI via telefónika, Kuarta ne’e.
Nia dehan, serbisu informasaun Polísia buka tuir hela suspeitu ne’ebé envolve kazu referida.
“Sira buka tuir iha merkadu laran,” nia katak.
Jornalista : Natalino Costa
Editora : Julia Chatarina
