DILI, 19 Juñu 2026 (TATOLI)—Ekipa uma-na’in Kanada provizóriu lidera tabela klasifikasaun grupu B hafoin manán adversáriu Qatar ho golu boot 6-0 iha jogu daruak faze grupu Kopa Mundiál FIFA 2026 ne’ebé realiza iha Estádiu Place Vancouver, Kanada, Ssesta (19 Juñu 2026) dadeer ne’e.
Notísia Relevante: Kopa Mundiál 2026: Jogadór suplente Cyle Larin salva Kanadá husi derrota
Husi vitória ne’ebé Kanada hetan lori ekipa ne’e lidera grupu B ho pontu haat, enkuantu Suisa iha pozisaun daruak ho pontu haat hanesan maibé diferensa golu. Bósnia ho Qatar iha pozisaun ikus liu.
Derrota ida-ne’e boot tebes, tanba Qatar joga ho jogadór na’in-neen. Jogadór ida hetan kartaun mean iha primeira parte no ida seluk iha segunda parte.
Jogu ne’e la’o ho velosidade kontra-atake maka’as tebes hahú kedan iha inísiu. Iha minutu 10 dahuluk, Kanadá kontrola bola ho 70%.
Iha presaun maka’as, defeza Qatar nian ikus mai halo falta hasoru jogadór Kanafa, iha minutu 16’, jogadór Cyle Larin mak sai ezekutadór hodi lansa golu hafoin guarda-rede Qatar la antisipa ho di’ak rezulaadu ba ona 1-0.
Qatar la lakon esperansa, sira halo atake no defensivu maibé la másimu tanba uma-na’in la fó fatin, iha minutu 29, Kanadá aumenta sira-nia vantajen, jogadór Jonathan David marka tan golu ida muda rezultadu ba 2-0.
Maske lidera ona ho 2-0, Kanadá la husik sira nia intensidade. Nune’e, Qatar hetan redusaun ba ema na’in 10 hafoin Homam Ahmed hetan kartaun mean husi árbitru Cristian Garay bainhira jogadór Qatar ne’e halo erru iha kampu laran.
Durante kontra-atake Kanadá nian, Homam kaer Tajon Buchanan nia kabas, hodi halo nia monu. Árbitru haree fali VAR no fó kartaun mean no suta livre ba Kanadá.
Ho de’it jogadór 10, Qatar la aguenta no sofre fali iha minutu 45+3. Jogadór Kanafa David marka golu, hodi kapitaliza rebote fô vantajen 3-0 iha intervalu.
Hafoin deskansa, Kanadá uza fali forsa kontra-atake. Atake sira maka’as iha lina klaran, husi eskerda no direita, halo Qatar susar atu kombate.
Ho jogu ne’ebé velosidade atake maka’as halo jogadór Qatar Assim Madibo hetan kartaun mean hosi árbitru tanba komete falta maka’as iha minutu 53. Insidente Madibo nian halo jogadór kanadianu sira sai hirus maibé sira sei hetan vantajen atu marka tan golu.
Ho insidente ne’e lori Qatar tenke Joga de’it ho jogadór na’in sia (9), Qatar luta hahú monu maka’as. Kanada utiliza oportunidade, jogadór Nathan Saliba hetan oportunidade sutu livre hosi liur área penalidade nian halo Kanadá sai avansadu, hodi muda rezultadu ba 4-0.
Kanadá nia vantajen aumenta ba 5-0 iha minutu 75, bainhira Jacob Shaffelburg marka golu, ne’ebé mosu iha kontra-atake manas nia laran.
Iha minutu 90+2 husi tempu adisionál nian, David marka nia golu datoluk, hodi kompleta nia hat-trick. Golu ida-ne’e sai hanesan objetivu finál. Kanadá lidera 6-0 no lidera Grupu B.
Kanadá (4-4-2): Maxime Crepeau; Alistair Johnston, Luc De Fougerolles, Derek Cornelius, Richie Laryea; Stephen Eustaquio, Ismael Kone, Tajon Buchananl Ali Ahmed, Jonathan David, Cyle Larin.
Qatar (4-2-3-1): Mahmoud Abunada; Ayoub Aloui, Pedro Miguel, Boulem Khoukhi, Homam Ahmed; Jassem Gaber, Issa Laye, Assim Madibo, Edmilson Junior; Akram Afif, Yusuf Abdurisag
Jornalista : Hortêncio Sanchez
Editór : Cancio Ximenes
