DILI, TATOLI – Sekretáriu Jerál (Sekjer) Partidu FRETILIN, Marí Alkatiri hateten, Sekjer maka sei substitui provizoriamente Francisco Guterres ‘Lú-Olo’ hanesan prezidenti partidu FRETILIN ne’ebé eleitu ona ba Prezidenti Repúblika periodu 2017 to’o 2022.
“Nia iha partidu ona, nia iha partidu nafatin. Maibé, ezersísiu lor-loron ninian ne’e, sekretáriu jerál maka sei akumula”, Marí hato’o kestaun ne’e liuhusi konferénsia ba imprensa ne’ebé hala’o iha sede Comité Central da FRETILIN, Komoro, Tersa horsehik.
Maske nune’e, nia dehan, lei hahú hosi Konstituisaun Repúblika la hateten Prezidenti Repúblika tenke sai hosi partidu no lei mós la hateten katak sai prezidenti tiha ona labele harii partidu.
Jornalista: Xisto Freitas
Editora: Rita Almeida
