DILI, (TATOLI) – Governu liuhosi Sekretaria Estadu Apoiu no Promosaun Sosiu Ekonómiku Feto halo revizaun kona-ba rezolusaun governu númeru 27/2011 kona-ba estabelesimentu grupu traballu jéneru iha nivél nasionál no munisipál.
Diretór Jerál Sekretaria Estadu Muller (SEM), Armando da Costa ba jornalista sira iha, Kaikoli, sesta (21/4) hateten, revizaun ne’e ho objetivu atu ko’alia kona-ba mekanizmu.
Importánsia atu adapta natureza dezentralizasaun ne’ebé la’o ho estrutura governasaun, planu orsamentál no monitorizasaun.
“Durante ne’e, ita uza rezolusaun tinan 2011, agora tempu atu halo revizaun ba rezolusaun governu kona-ba mekanizmu grupu traballu jéneru durante ne’e la’o hela”, haktuir.
Estabelesimentu atu asegura instituisaun governu sensivel jéneru.
Jornalista: Zezito Silva
Editora: Rita Almeida
