DILI, 16 novembru 2020 (TATOLI)–Ekipa feminina Banco Central de Timor – Leste (BCTL) obrigadu tenke fahe pontu ho nia adversáriu Gabinete Primeiru Ministru (GPM) ho score 1-1 iha torneiu futeból salaun (Futsal) Ministériu Asuntu Parlamentár no Komunikasaun Sosiál (MAPKOMS) ne’ebé hala’o, ohin loraik, iha kampu multifunsaun, Bebora, Dili.
Notísia Relevante : Torneiu Futsal MAPKOMS, TATOLI “hakoi” esperansa ba oitavu finál
Hosi rezultadu ne’e, fó oportunidade absolutamente ba ekipa BCTL hodi ultrapasa ba oitavu finál hamutuk ho ekipa Prezidente Repúblika (PR) no ekipa BCTL hanesan ekipa juara pool no ekipa PR hanesan runner-up.
Enkuantu ekipa rua seluk hanesan Timor Telecom no GPM obrigadu tenke hela de’it iha faze apuramentu tanba la konsege rekolla pontu boot hanesan BCTL pontu 10 no PR pontu sia.
Golu mesak BCTL prodús hosi jogadora Sherlyn P (96) no golu ekipa GPM hatama hosi jogadora Carla (5).
Jornalista : Hortencio Sanchez
Editór : Francisco Simões
