DILI, 27 abríl 2021 (TATOLI)-Administradór Munisípiu Covalima, Francisco de Andrade, hateten Orsamentu Jerál Estadu (OJE) 2021 ba Munisípiu Covalima montante $4.6000 nia ezekusaun foin atinje 40%.
“Foin daudaun OJE 2021 ne’ebé alokadu mai Munisípiu Covalima hamutuk $4.6000, ami ezekuta 40% hahú hosi saláriu vensimentu, transferénsia servisu no bens servisu,” Francisco Andrade informa ba Agência Tatoli, liuhosi telefónika, tersa ne’e.
Nia hateten, kona-ba kapitál menór laiha problema tanba sira ekipamentu no fasilidade ba Administrasaun la’o di’ak. Maibé kona-ba kapitál dezenvolvimentu mak nia dehan, sei tomak tanba ho situasaun Estadu Emerjénsia atu loke konkursu públiku ba kompañia sira mós difisil tebes.
“Foin lalais Konsellu Ministru foti ona desizaun katak totál hosi orsamentu $4.6000 ne’ebé aloka mai iha Covalima, Governu foti osan ne’e 60% ba konsentra fali iha nasionál atu responde ba situasaun kalamidade ne’ebé ita hasoru, entaun ami foin ezekuta 40%,” nia hatutan.
Jornalista : Arminda Fonseca
Editór : Francisco Simões
