iklan

NASIONÁL

Misa agradesimentu nomeasaun kardeál dahuluk Timor-nian sei realiza iha 06 setembru

Misa agradesimentu nomeasaun kardeál dahuluk Timor-nian sei realiza iha 06 setembru

Arsebispu Arkidioseze Metropolitana Dili, Don Virgílio do Carmo da Silva, SDB, kaer liman ho Papa Francisco iha Vatikanu. Imajen/Espesial.

DILI, 17 agostu 2022 (TATOLI)–Ministru Administrasaun Estatál (MAE), Miguel Pereira de Carvalho, hateten Kardeal foun Timor-Leste, Don Virgílio do Carmo da Silva, SDB, sei to’o fali iha iha Timor-Leste iha 05 setembru.

Tuir planu, misa agradeseimentu ba nomeasaun kardeál dahuluk Timor-nian sei realiza iha 06 setembru 2022, iha Tasi-Tolu, Dili.

Notísia Relevante:  Don Virgílio do Carmo da Silva, Kardeál dahuluk Uma Kreda Timor-Leste

“Ita simu Kardeál foun Timor-Leste, Don Virgílio da Silva, iha Aeroportu Nicolau Lobato, iha loron 05 setembru. Daudaun ne’e, komisaun organizadora mós prepara hela atu realiza misa agradeseimentu ba nomeasaun kardeál dahuluk Timor-nian iha loron 06 setembru 2022 iha Tasi-Tolu, Dili,” Governante ne’e hateten ba jornalista sira iha palásiu Governu, kuarta ne’e.

Serimónia resesaun kardeál foun Timor-Leste, Don Virgílio do Carmo da Silva, SDB, ne’e iha ona Komisaun Organizadora (KO) ida-ne’ebé mak estabelese hosi Konferénsia Episkopál Timor-Leste no Governu liuhosi MAE mós hola parte iha komisaun ne’e.

“Komisaun organizadora halo reuniaun durante semana ida ona kona-ba preparative sira-ne’e,” nia dehan.

Preparasaun ne’ebé mak hala’o ona mak halo konvite, prepara sekuénsia serimónia sira, prepara lojístiku hanesan lona, tenda no kadeira, nune’e bele realiza misa kampal iha Tasi-Tolu.

Husu kona-ba osan ba preparsaun, nia hateten, seidauk bele ko’alia ida-ne’e tanba entre komisaun organizadora seidauk iha reuniaun kona-ba asuntu ne’e.

Husu kona-ba konvite ba omólogu kardeál foun Indonézia no Austrália, Miguel de Carvalho, hateten, Prezidente KO mós hanoin kona-ba ida-ne’e no konvite sei sai hosi KO maibé to’o agora nia rasik seidauk hatene.

Bainhira Kardeal foun mai to’o aeroportu sei simu hosi Episkopal Timorense no hosi membru Governu sira no sarani sira iha Timor-Leste.

Entretantu Ministru Obras Públika, Abel Pires, hateten, ohin kompañia ba rehabilita ona estrada entre Rotunda Comoro no Tasi-Tolu hodi selebra misa eukaristia ba kardeál foun iha Tasi-Tolu iha loron 06 fulan-setembru tinan 2022.

Papa Francisco nomea Don Virgílio sai kardeál

Iha konkluzaun Regina Coeli, 29 Maio 2022 nian, Papa Francsico nomea no fó sai naran kardeál Foun ba Santa Kreda hamutuk 21 no entre sira-ne’e ida mak Don Virgilio Do Carmo da Silva ne’ebé sei sai nu’udar primeiru Kardeál uma Kreda Timor-Leste nian.

Don Virgilio hetan nomeasaun sai bispo iha janeiru 2016 no partisipa iha Sinodo ne’ebé dedika ba joven sira iha tinan 2018. Iha tinan 2019, Papa Frnacisco nomea Don Virgilio sai Arsebispu ba Arkidioseze Metropolitana Dili.

Konsistóriu ba kriasaun Kardeál foun sira-nian sei realiza iha loron sábadu, 27 agostu 2022, sira reprezenta mma kreda iha mundu tomak no reflete kultura tomak ne’ebé existe iha mundu ho ninia variedade tomak, kontextu no ministériu pastorál sira.

Tuir planu, Papa Francisco sei realiza enkontru ho kardeál sira hotu iha loron 29 no 30 agostu atu reflete kona-ba Konstituisaun foun ba Kúria Roma nian, Servisu Sentrál Governu Igreja Katólika nian, nu’udar projetu sentrál Papa atuál nian.

“Constituisaun Apostólica Praedicate Evangelium” (Haklaken Evangelho, nebe publika iha loron 19 marsu tinan ne’e, Papa Francisco sujere Kúria ida-ne’ebé fó atensaun maka’as ba Uma Kreda ninia moris iha Mundu no iha Sosiedade, rezeita atensaun espesiál ba jestaun interna asuntu Vatikanu nian.

Notísia Relevante: Papa Francisco hato’o karta audiénsia ba órgaun soberania Timor-Leste

Koléjiu tomak Kardeál dadauk ne’e konsiste 208 Kardeál, hosi sira 117 mak nu’udar Kardeál eleitór no 91 la’ós eleitór. Iha loron 27 agostu ne’ebé mai númeru kardeál sira-nian sei sa’e ba 229 kardeál, no hosi sira 131 mak sai nudar Cardeal eleitór.

Hosi Kardeál foun sira-ne’e, na’in-ualu (8) hosi Europa, na’in-neen (6) hosi Asia, rua (2) hosi Afrika, ida (1) Amérika Norte, haat (4) hosi Amérika Sentrál no Amérika Latina. Kardeál foun sira-ne’ebé Papa Francisco nomea:

Kardeál Eleitór Foun (tuir orden Kriasaun nian)

Arthur Roche (Inglaterra), prefeito da Congregação para o Culto Divino e a Disciplina dos Sacramentos (Santa Sé)
D. Lazzaro You Heung sik (Coreia do Sul), prefeito da Congregação para o Clero (Santa Sé)
D. Fernando Vérgez Alzaga (Espanha), presidente da Comissão Pontifícia para o Estado da Cidade do Vaticano e presidente do Goveratorado do Estado da Cidade do Vaticano
D. Jean-Marc Aveline (França), arcebispo de Marselha
D. Peter Okpaleke (Nigéria), bispo de Ekwulobia
D. Leonardo Ulrich Steiner (Brasil), arcebispo de Manaus
D. Filipe Neri António Sebastião do Rosário Ferrão (Índia), arcebispo de Goa e Damão
D. Mons. Robert Walter McElroy (EUA), bispo de San Diego
D. Virgílio do Carmo da Silva (Timor-Leste), arcebispo de Díli
D. Oscar Cantoni (Itália), bispo de Como
D. Anthony Poola (Índia), bispo de Hyderabad
D. Paulo Cezar Costa (Brasil), arcebispo de Brasília
D. Richard Kuuia Baawobr (Gana), bispo de Wa
D. William Goh Seng Chye (Singapura), arcebispo de Singapura
D. Adalberto Martínez Flores (Paraguai), arcebispo de Assunção
D. Giorgio Marengo (Itália), prefeito apostólico de Ulaanbaatar (Mongólia).

Kardeál sira-ne’ebé nia otas liu 80

Jorge Enrique Jiménez Carvajal (Colômbia), arcebispo emérito de Cartagena
D. Lucas Van Looy (Bélgica), arcebispo emérito de Gent
D. Mons. Arrigo Miglio(Itália), arcebispo emérito de Cagliari
Padre Gianfranco Ghirlanda, sj, (Itália), professor de Teologia
Mons. Fortunato Frezza (Itália), cónego de São Pedro

Iha loron 27 agostu ne’ebé mai, Timor-Leste, Paraguai, Singapura no Mongolia sei iha reprezentante iha Koléjiu Kardeál sira-nian hodi tulun Amu Papa Francisco tau matan ba Kreda iha mundu tomak.

Notísia Relevante: Governu indika Fidélis-José Lucas partisipa serimónia investidura kardeál iha Vatikanu

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!