iklan

NASIONÁL, HEADLINE, KAPITÁL

PR Horta sei vizita Portugal iha loron 29 outubru

PR Horta sei vizita Portugal iha loron 29 outubru

Primeiru-Ministru, Taur Matan Ruak. Imajen Tatoli/Egas Cristóvão

DILI, 27 outubru 2022 (TATOLI)–Prezidente Repúblika (PR), José Ramos Horta, sei halo vizita Estadu ba Portugal iha loron 29 outubru 2022 no sei fila hikas iha loron 06 novembru 2022.

Nune’e, molok halo vizita Estadu, kinta ne’e, PR konvoka reuniaun ho Primeiru-Ministru (PM), Taur Matan Ruak, iha Palásiu Prezidensiál, Bairru-Pité.

“Ho Prezidente Repúblika ko’alia kona-ba vizita Xefe Estadu bá Portugal, Prezidente Repúblika iha ajenda ida prienxidu. Ha’u fiar katak Prezidente arranja tempu para hetan ita-nia sidadaun sira,” PR Taur informa hafoin reuniaun ho Xefe Estadu.

Notísia relevante: PN aprova pedidu PR Horta vizita Kamboja-Suisa-Portugál

Vizita Estadu ba Portugal ne’e hetan konvite hosi Prezidente Repúblika, Marcelo Rebelo de Sousa, ne’ebé sei hala’o iha loron 30 outubru to’o 01 novembru 2022.

Iha Lisboa, PR Horta sei partisipa mós Web-Summit 2022 iha loron 04 novembru ne’ebé konvida hosi organizasaun.

Parlamentu Nasionál (PN) liuhosi reuniaun plenária extraordinária, antes ne’e, autoriza  ona Prezidente Repúblika vizita Kambódia, Suiça no Portugal, nune’e Xefe Estadu hala’o ona vizita ba Kambódia iha loron loron 17 outubru no fila hikas mai Timor-Leste iha loron 23 outubru.

Tuir termu efeitu númeru 1 artigu 80, no alinea h númeru 3 artigu 95 Konstituisaun Repúblika Demokrátiku Timor-Leste (KRDTL), meiu ne’e PR solisita ba PN hodi fó konsentimentu dezlokasaun Xefe Estadu nia vizita Estadu.

Jornalista   : Antónia Gusmão

Editora        : Julia Chatarina

iklan
iklan

Leave a Reply

iklan
error: Content is protected !!