DILI, 27 outubru 2022 (TATOLI)—Sekretária Estadu Igualdade no Inkkuzaun (SEII), Maria do Rosário Fátima Coreia, hateten iha 2023 ne’e SEII kontinua haforsa no halo koordenasaun serbisu entre Grupu Traballu Jéneru (GTJ) ho liña ministeriál sira hodi asegura implementasaun igualdade jéneru.
Notísia Relevante: SEII-GTJ identifika oportunidade-dezáfiu iha implementasaun programa promove igualdade jéneru
“Iha implementasaun programa ne’e hodi haforsa koordensaun serbisu entre GTJ liña ministeriál, GTJ munisipál no SEII hodi asegura implementasaun asuntu Igualdade Jéneru no inkluzaun iha nível Nasionál no munisipál,” Maria do Rosário Fátima Coreia hateten iha salaun Golden Star, Audian, Dili, kinta ne’e.
Iha enkontru ne’e sira ko’alia liu kona-ba oinsá mak tau planu no programa ba tinan 2023 nian.
SEII Enkontru ho Grupu Traballu Jéneru (GTJ) hosi liña ministerial sira no GTJ iha munisípiu 12 sira ne’e, ko’alia kona-ba asuntu igualdade jéneru nian, iha sira-nia planu no oinsá sira tau sira-nia osan ba planu no programa.
Administradór Munisípiu Manufahi, Arantes Isaac, hateten Manufahi propoin rihun $2 hodi kontinua halo sensibilizasaun ba lei violénsia bazea ba jéneru.
“Manufahi propoin osan 2023, hamutuk $2.000, ne’e ita hodi komtinua halo sensibilizasaun kona-ba lei violénsia ba ita-nia komunidade no formasaun ba ita-nia Grupu Traballu Jéneru sira para oinsá sira bele intende hodi influénsia iha sirn-nia servisu nune’e tau planu iha igualdade jéneru nian.
Jornalista : Osoria Marques
Editór : Cancio Ximenes
