ERMERA, MUNISÍPIU

MLPM promote fó subsídiu ba kafekultór iha Ermera

MLPM promote fó subsídiu ba kafekultór iha Ermera

MLPM kampana iha Ermera (Imagem Tatoli/ Filomeno Martins)

ERMERA, 30 abril 2023 (TATOLI) – Partidu Movimentu Populár Libertasaun Maubere (MLPM), ohin hala’o kampaña polítika iha Aldea Raelori, Suku Mirtuto, Postu Administrativu Ermera, ho komprimisu hakarak fó subsídiu ba komunidade kafekultór hodi hasa’e produsaun kafé.

“Iha kampaña ohin ne’e ami foku liu ba pontensia munsípiu Ermera nian, liu-liu iha setór agrikultura. Entaun ami koli’a liu kona-ba oinsá mak bele dezenvolve ita-nia kafé hodi hasa’e produsaun,” Prezidente Juventuda Nasionál MLPM, Elvis Marçal ba Totoli, iha Suku Mirtuto, Postu Administrativo Ermera Munisípiu Ermera, domingu ne’e.

Ita hakarak ita-nia povu maubere mak serbisu duni ba kafé ne’e atu povu maubere ne’e labele sai atan bebeik ba ema seluk.

“Tanba populasaun aumenta no rai mós menus, ita sei fó subsídiu ba grupu kafekultór sira atu hadi’a sira-nia moris,”

Atu dezenvolve kafé, ita tenki haree ba idade kafé no mós presu: “Entaun kada fulan ita sei fó $50 ba grupu kafekultór sira atu hadi’a no hasa’e produsaun kafé. Ida ne’e hanesan kondisaun ida hodi hadi’a povu nia moris.”

Entaun kada kafé kulit tasak ita hakarak ninia presu ne’e $1 dolar, kafé maran $2,50 no kafé kulit mutin folin sei sa’e ba $5.

Além de hasa’e produsaun kafé no nia folin, MLPM hakarak foku mós ba dezenvolvimentu iha área seluk.

“Iha ita-nia programa, iha mós seitór edukasaun, agrikultura, saéde, infraestrutura. Ita hakarak promove seitór edukasaun tanba edukasaun mak baze ba dezenvolvimentu nasaun ida-idak. Tanba edukasaun mak bele muda povu nia moris. Ho nune’e ita hakara harii eskola besik liu ba komunidade,” Marçal esplika.

Nia dehan koli’a kona-ba saúde, MLPM planu atu lori saúde besik ba povu: “Entaun kada suku ida-idak ita tenke harii klina fó asesu ba komunidade hotu.”

Marçal akresenta tán katak, liga ho infraestrutura, MLPM hakarak harii Estrada husi Suku ba Postu Administrativu ba Kapitál munisípiu no ba Dili.

 

Jornalista: Filomeno Martins

Editora: Nelia Borges

iklan
iklan

Leave a Reply

iklan
error: Content is protected !!