iklan

ERMERA, MUNISÍPIU

PVT sei fó serbisu ba joven 5,000  iha  Ermera

PVT sei fó serbisu ba joven 5,000  iha  Ermera

Imagem Tatoli/Filomeno Martins

ERMERA, 17 maiu 2023 (TATOLI)Partido Os Verdes de Timor (PVT),promete sei fó serbisu ba joven 5,000  iha munisípiu Ermera hodi sustenta sira-nia ekonomia família.

“Joven PVT sei ba serbisu iha nasaun 10 hodi fohan imi nia familia. Desde PVT moris, ita hakarak sai matadalan no luta ba joven dezempregu sira,” Prezidente PVT Antonio Lela Huno hato’o kompromisiu polítiku ne’e iha kampaña komisiu PVT nian iha Kampo-Futebol Gleno Ermera, kuarta ne’e.

Nia dehan uma di’ak barak iha Timor-Leste harii husi joven sira ne’ebé mak serbisu iha Inglatera, Irlandia, no seluk tan.

“Timor oan iha rai liur serbisu makas tebes hodi halo uma ba sira-nia inan aman iha Timor-Leste. Ida ne’e ezemplu ida para ita atu kontinua,” Antonia subliña.

Líder máximu PVT ne’e akresenta katak bainhira kaer ukun, PVT sei depende ninia program empregu: “50,000 empregu ne’e ita sei realiza iha ita-nia partidu.”

Nia dehan tinan 20 resin ona solusaun ba dezempregu iha rai laran laiha, tanba ne’e PVT moris hodi depende joven dezempregu sira.

PVT mós kompromete kombate no halakon monpoli ba kafé folin ne’ebé mak durante ne’e komete no prátika husi kampañia sira.

“Ita-nia kafé folin laiha tanba kompañia sira halo monopoli. Ita tenke halakon mafia kompañia kafé sira iha Timor-Leste. Ema halo mafia ba ita-nia kafé folin, tanba ne’e mak kafé folin la sa’e. Ne’e duni ita tneke halakon mafia kafé iha Timor-Leste. Hodi nune’e kafé folin sa’e para hadi’a inan aman sira-nia moris ba oin liu tan,” António kompromete.

PVT kompromete sei realiza desentralizasaun póder iha munisípiu hotu hodi estabelese asembleia munsipál.

 

Jornalista: Filomeno Martins

Editora: Nelia Borges

iklan
iklan

Leave a Reply

iklan
error: Content is protected !!