DILI, 30 maiu 2023 (TATOLI)—Prezidente Komisaun Nasionál Eleisaun (CNE), José Agostinho da Costa Belo, hateten CNE apela ba partidu polítiku 17 atu hamoos atributu kampaña no propaganda ne’ebé mak sei taka iha dalan públiku sira.
Notísia Relevante: CNE fó oras 48 ba partidu polítika atu halo rekursu
“Apelu ba hotu-hotu ita hili ona no horisehik ita liu ona semana ida, ohin ba oin haree ona ita-boot sira-nia panfletu ka sasán ne’ebé mak taka hela iha fatin ne’e hanoin hasai ona. Tanba, ita-nia eleisaun liu tiha ona,” José Belo hateten iha publikasaun rezultadu provizóriu ba eleisaun parlamentár 2023, iha salaun Laline-Larigutu Colmera, Dili, tersa ne’e.
Tanba, nia dehan, iha segunda (29 maiu 2023) horisehik ne’e, eleisaun parlamentár ne’e halo ona semana ida nune’e tenke hamos ka hasai atributu kampaña sira, maibé bainira liu loron mak sei iha sansaun ba partidu polítika hodi koa sira-nia osan subsídiu ne’e.
Ohin, CNE fó sai ona rezultadu provizóriu no sura hosi ohin ba oin to’o bainrua maibé iha partidu balun mak halo reklamasaun ruma mak tempu hahú ohin bele reklama, maibé aprezenta keixa ne’e tenke ho fundamentu no razaun.
“Karik, laiha reklamasaun mak CNE sei subemte ba Tribunál Rekuru,” nia dehan.
Notísia Relevante: Distribuisan kadeira: CNRT 31, FRETILIN 19, PD 6, KHUNTO 5, PLP 4
Jornalista : Osoria Marques
Wsitór : Cancio Ximenes
