iklan

ATAÚRO

Governu sei muda estatutu munisípiu Ataúro sai rejiaun

Governu sei muda estatutu munisípiu Ataúro sai rejiaun

Ministru Administrasaun Estatál (MAE), Tomás Cabral. Imajen Tatoli/António Daciparu.

DILI, 11 agostu 2023 (TATOLI)—Ministru Administrasaun Estatál (MAE), Tomás Cabral, hateten IX Governu Konstitusionál sei muda estatutu munisípiu Ataúro sai Governu rejionál ida-ne’ebé tutela diretamente ba ministériu sentrál tanba nia eleitór hamutuk 8.000 de’it.

Notísia Relevante: PM Xanana: “Loron 120 sei anula lei kria munisípiu Ataúro-konsolida pás”

“Uluk, atu ba munisípiu lei eleisaun munisipál, deputadu asembleia munisipál ne’e nia eleitór tenke 33.000-50.000 maibé Ataúro 8.000 de’it. Tanba ne’e, ita muda sira-nia estatutu mak sira sai governu Rejiaun ida hodi tutela direitamente ba Ministériu sentrál. Sra sei laiha asembleia maibé sira iha Konsellu Konsultivu permanente hodi bele aprova fundu no atividade sira, ne’ebé ita mantein ho nia pozisaun ne’ebé iha, Ataúro la’ós munisípiu maibé nia naran Governu Munisipál hodi atende povu iha ne’ebá,” Governante ne’e hateten ba jornalista sira, hafoin hasoru malu ho WFP iha MAE, Colmera, sesta ne’e.

Tanba ne’e, tenke altera dekretu-lei 3/2016, hodi bele regula autorizasaun sira ne’ebé signifika orgánika ne’e sei iha mudansa no haree ema kualifikadu, tau rekursu umanu ne’ebé di’ak hodi bele hala’o tranzisaun durante tinan tolu, depois halo avaliasaun kondisaun mínimu ba sira-nia servisu.

“Labele avansa, tanba ita laiha kondisaun hanesan ema hira mak servisu iha ne’ebá, grau kualiafiksaun ne’e oinsá. Ita presiza funsiona Estadu ne’ebé kualidade no kapasidade hodi halo jestaun iha kraik,” nia hateten.

Notísia Relevante: Governu nomea Domingos Soares lidera munisípiu Ataúro

Aleinde ne’e, sei altera mós dekretu lei 3/2016, ba munisípiu Ataúro nian, dekretu-lei ba aprovizionamentu munisipál depois lei orgánika Ministériu nian.

Polítika IX Governu Konstitusionál nian mak lori governasaun ba povu mak organika tenke di’ak, tanba besik ona planu 2027-2030 no Planu Estratéjiku 2011-2030 tanba t’o agora poder lokál de’it laiha, tinan oin sei implementa autoridade munisípiu hotu-hotu.

Semana ne’e nia-laran mak Prezidente Repúblika promulga depois diploma Ministerial no sei reajustamentu ba dirasaun sira-ne’e.

Papel importante mak ne’e, funsionáriu ne’ebé atu nomeia papel importante mak fó asisténsia téknika ba sira.

“Tanba estrutura iha iha nasionál boot maibé estrutura iha munisípiu kiik. Entaun, tempu ona atu hadi’a nune’e munisípiu mak boot no nasionál mak kiik,” nia dehan.

Tuir nia, servisu iha baze la’ós iha nasioná, Governu sentrál nia servisu no papel mak halo polítiku no jestaun tanba munisipál, postu, suku inklui aldeia nia papel mak hadi’a povu nia moris hodi lori besik governasaun ba povu.

Notísia Relevante: Governu aprova Fundu Espesiál Dezenvolvimentu Ataúro

Jornalista : Osória Marques

Editór      : Cancio Ximenes

iklan
iklan

Leave a Reply

iklan
error: Content is protected !!