COVALIMA, 16 setembru 2023 (TATOLI)—Komandu Jerál Polísia Nasionál Timor-Leste (PNTL) munisípiu Covalima aplika prosesu disiplinár ba membru na’in-10, relasiona ho konbustível lakon.
“Konbustível litru 1.000 lakon iha Komandu PNTL Covalima, ha’u hanoin faze delijénsia tama iha prosesu rua, prosesu kriminál tanba prosesu kautelár no ita hahú aplika ona prosesu disiplinár, ha’u-nia membru lubuk ida,”Komandante PNTL munisípiu Covalima, Superintendente Polísia Calisto Gonzaga, informa ba Agência Tatoli iha ninia knaar fatin, sábadu ne’e.
Notísia relevante : PNTL Covalima rejista kazu kontra bandu a’as iha jullu to’o setembru
Membru na’in-10 balun tama iha faze finál ona, balun hetan suspensaun, xamada verbál, to’o ona despaixu iha inflasaun, enkuantu balun hein audénsia Tribunál.
“Iha prosesu rua la’o ona no hein tempu badak bele finaliza maibé membru balun tama iha kategoria inflasaun disiplinár iha loron sesta (15/09) no asina ona hodi hetan ona sansaun. Polísia tenke kumpre orden nomós prinsipál ba penál tanba kautelár prosesu kriminál. Iha rezultadu prosesu kriminál indika pena tinan-tolu ba leten, ha’u hanoin ita sei haree membru na’in 10 balun to’o ona despaixu ba inflasaun, balun hein audiénsia Tribunál,” nia tenik.
Jornalista : Celestina Teles
Editora : Julia Chatarina