iklan

EKONOMIA, HEADLINE, MUNISÍPIU, OÉ-CUSSE (RAEOA), POLÍTIKA

RAEOA enkontru ho ajénsia haat hosi ONU haforsa projetu ‘Hamutuk bá Igualdade’

RAEOA enkontru ho ajénsia haat hosi ONU haforsa projetu ‘Hamutuk bá Igualdade’

Prezidente Autoridade RAEOA, Rogério Tiago Lobato, konversa ho Jerente Projetu Hamutuk ba Igualdade, Nuntana Tangwinit. Imajen Tatoli/Abílio Elo Nini.

OÉ-CUSSE, 19 marsu 2024 (TATOLI) – Prezidente Autoridade Rejiaun Administrativa Espesiál Oé-Cusse Ambeno (RAEOA), Rogério Tiago Lobato, tersa ne’e enkontru kortejia ho parseiru ajénsia internasionál haat hosi Organizasaun Nasaun Unida (ONU), atu haforsa projetu konjunta ‘Hamutuk ba Igualdade’ hodi prevene Violénsia Bazeia Jéneru (VBJ) iha Oé-Cusse.

Nota Imprensa ne’ebé Agência Tatoli, asesu iha Gabinete Prezidente Autoridade, katak, ekipa parseiru ajénsia haat, ne’e xefia hosi jerente ba projetu ‘Hamutuk ba Igualdade, Nuntana Tangwinit.

Ne’ebé lidera ajénsia internasionál haat hosi ONU maka hanesan, Internasionál Organizations Migration (IOM), United Nations Development Programe (UNDP),  United Nations Populations Fund (UNFPA) no United Nations for Gender Equility and the Empowerment of Women (UN Women),

“Projetu konjuntu ‘Hamutuk ba Igualdade’ kompostu hosi ekipa tékniku UN Women, IOM, UNDP no UNFPA hala’o vizita monitorizasaun konjuntu iha RAEOA, ekipa ba misaun ne’e hala’o sorumutuk ho Prezidente RAEOA, no nia ekipa, vizita projetu sira iha térenu hodi observa atividade sira, no halo diskusaun ho benefisiáriu no parseiru implementadór sira,” sita iha nota imprensa ne’ebé Tatoli asesu.

Notísia relevante: RAEOA-SEII selebra akordu ho objetivu haat haforsa advokasia igualdade jéneru

Nota imprensa ne’e, hatutan, sorumutu ho Prezidente Autoridade RAEOA, objetivu atu komprende liutan área prioridade 2024 iha RAEOA, fahe kona-bá rezultadu no atividade projetu nian ne’ebé la’o hela, esplora oportunidade ba kolaborasaun iha tinan oin mai, no diskute planu asaun ne’ebé sustentável tanba projetu ne’e sei remata iha tinan ne’e.

“RAEOA hanesan munisípiuu tarjetu dahuluk hosi munísipiu haat, Baucau, Covalima no Dili ba iha projetu Hamutuk ba Igualdade, ne’ebé diskusaun ohin atu fó idea sira kle’an ba ekipa projetu nian hodi alínea projetu nia esforsu ho RAEOA nia prioridade sira, partikularmente hodi prevene no responde ba Violénsia Bazeia ba Jéneru,” esplika nota imprensa ne’e.

Durante iha vizita ofisiál ne’e, ekipa ba misaun ne’e observa atividade sira no hala’o sorumutu ho parseiru implementador sira, inklui UN Women nia parseiru Maneo no Ba Futuru, ne’ebé implementa formasaun kona-bá lian hasoru violénsia ba komunidade, inklui foin sa’e, líder komunitária no relijiozu sira no membru komunidade LGBTIQ sira.

Alende ne’e mós, IOM nia parseiru Cruz Vermella Timor-Leste (CVTL), fasilita formasaun ba grupu feto sira kona-bá Komite Jere Dezastre iha Suku (KJDS) oinsa atu buka moris no estabelese estrutura KJDS iha suku, enkuantu UNDP nia parseiru maka ALFELA envolve atu fó asistensia legál ne’ebé foka ba suporta sobrevivente VBJ no sira-nia keixa.

UNFPA nia parseiru maka Ministériu Juventude Desportu Arte no Kultura, servisu hodi kapasita foinsa’e sira kona-bá saúde no direitu seksuál reprodutiva liuhosi programa halo relasaun no respeitu ne’ebé fasilita hosi fasilitador foin sa’e sira.

Durante iha sorumutu ne’e, ekipa observa progresu sira no dezafiu sira ba implementasaun sira no rona rekomendasaun no suporta sira ne’ebé presija hosi parseiru sira.

“Tanba ami nia misaun ne’e atu evalua progresu no dezafiu sira iha projetu nia inisiativa konjuntu iha RAEOA,” nota imprensa ne’e, informa.

“Hafoin vizita ne’e, ami hakarak haforsa liutan kolaborasaun no koordenasaun sira relasiona ho inisiativa ba hapara VBJ no alinea planu sira ho RAEOA nia prioridade sira ba tinan 2024,” haktuir, Nuntana Tangwinit, ne’ebé lidera misaun ba vizita ne’e no hanesan mos jerente ba programa ‘Hamutuk ba Igualdade,”.

Notísia relevante: Japaun kontinua apoia programa dezenvolvimentu ba igualdade iha Timor-Leste

Nota imprensa ne’e, informa, dezde hahú implementasaun iha novembru 2020 to’o agora, programa ne’e envolve ona instituisaun Governu 18, no organizasaun sosiedade sivíl 29 no atinje ona ba benefisiáriu direita na’in-63.463 no indireita na’in-317.315, inklui ema ho difisiénsia no komunidade LGBTIQ  hamutuk na’in-7.207 feto 3.506 mane 2.819 no labarik feto 418 no mane 464 iha RAEOA.

“Inisiativa ne’e komplementa Governu nia esforsu sira ba prevene no responde ba VBJ, hanesan subliña ona iha Planu Asaun Nasionál VBJ ne’ebé lidera husi Sekretaria Estadu ba Igualdade,”.

Tanba ne’e, liuhosi intervensaun espesifiku hitu, programa ne’e nia objetivu atu hamenus violénsia hasoru feto no labarik feto sira, hadi’ak asesu ba atendimentu esensiál sira, hasa’e koordenasaun entre liña ministeriu sira, no kontribui ba RAEOA nia prioridade sira ba dezemvolvimentu umanu, kualidade moris no dezemvolvimentu infrastutura públiku sira.

Envolve mós iha ekipa misaun ba RAEOA ne’e mak Sr. Kwansoo An, Vice-Diretór Nasionál KOICA iha Timor-Leste, nia prezensa atu observa no kompriende direita kona-bá progresu no dezafiu sira hosi implementasaun iha baze, tanba KOICA nia ekipa hanesan parséiru doador ativa tebes hodi partisipa iha programa nia vizita sira iha baze.

Vise-Diretór Nasionál KOICA iha Timor-Leste, Kwangsoo An, hateten iha abertura, “partisipa iha vizita ba terrenu sira importante tebes tanba ami bele hare direita impaktu husi ami nia suporta sira no kompriende kona-bá dezafiu sira ne’ebé hasoru iha baze. dezde Timor-Leste nia ukun an iha tinan 2002, Governu Korea liuhusi KOICA sai ona Timor-Leste nia parséiru di’ak atu suporta dezemvolvimentu iha seitor oi-oin.”

Notísia relevante: SEII lansa PAN-VBJ iha Oé-Cusse ho estratéjia tolu

Prezidente Autoridade RAEOA, Rogério Tiago Lobato, afirma kompremisiu hosi administrasaun RAEOA atu suporta kontinuasaun ba kolaborasaun hodi prevene no responde ba violénsia bazeia ba jéneru.

“Ha’u konsidera projetu ‘Hamutuk ba Igualdade’ hanesan psrseiru ida ne’ebé iha valór  hodi komplementa ami nia prioridade sira ba dezenvolvimentu iha RAEOA. Iha hau nia lideránsa, ha’u fiar katak projetu ne’e bele suporta hadi’ak estretejia prevensaun ba violénsia bazeia ba jéneru no hadia’k servisu esensiál sira hodi suporta sobrevivente sira. Kolaborasaun ne’e alinea ho ami nia vizaun ba komunidade RAEOA ida ne’ebé seguru no inklusivu liu,” dehan Prezidente Autoridade RAEOA.

Autoridade másimu ne’e, hateten, programa ne’e kompremitidu ba kolaborasaun ne’ebé la’o hela ho RAEOA, komplementa esforsu governu nasionál no lokál sira nia esforsu ba prevene no responde ba VBJ.

“Ami-nia mehi mak atu asegura katak asesu universál ba direitu no promove espasu ba ema hotu atu goja sira-nia vida hanesan,” nia tenik.

Notísia relevante: Autoridade RAEOA selebra kontratu ho asosiasaun ualu tau matan ba problema sosiál

Entretantu, kona-bá projetu Hamutuk ba Igualdade, maka atu prevene no responde ba VBJ iha Timor-Leste ne’ebé implementa hamutuk hosi ajénsia ONU haat, hanesan IOM, UNDP, UNFPA no UN Women.

Ne’ebé  iha kolaborasaun ho Sekretaria Estadu ba Igualdade no Inkluzaun (SEII), liuhosi finansiámentu jenerozu Ajénsia Kooperasaun Internasionál Korea (KOICA) iha Timor-Leste.

Projetu ne’e ho objetivu atu, prevene VBJ, partikularmente asédiu seksuál no forma sira seluk husi violénsia kontra feto no labarik-feto sira, antes akontese ou antes akontese fali tan.

Nune’e mós empodera sobrevivente VBJ sira, espesiálmente feto no labarik-feto sira hodi rekupera no dezenvolve fali sira-nia moris liuhosi hadi’a asesu ba servisu multi-setoriál no espasu públiku.

Jornalista: Abílio Elo Nini

Editór: Evaristo Soares Martins

iklan
iklan

Leave a Reply

iklan
error: Content is protected !!