BAUCAU

DRTT Baucau sei menus fasilidade serbisu

DRTT Baucau sei menus fasilidade serbisu

Diretór serbisu DRTT Baucau, Roberto da Cruz. Imajen Tatoli/Natalino Belo

BAUCAU, 18 abríl 2024 (TATOLI) – Serbisu Diresaun Rejionál Transporte Terestre (DRTT) munisípiu Baucau to’o agora sei kontinua menus fasilidade hodi difikulta serbisu atendementu públiku.

Diretór serbisu DRTT Baucau, Roberto da Cruz esplika, fasilidade ne’ebé menus hanesan kadeira, meza inklui armári hodi asegura dokumentu importante sira hanesan karta kondusaun, inspesaun no dokumentu seluktan nune’e obrigadu dokumentu balun tau iha rai.

Difikuldade seluk mak espasu ne’ebé iha seidauk sufisiente hanesan sala atendementu seidauk to’o nune’e diresaun balun tenke hamutuk iha sala ida halo kloot tanba espasu fatin la sufisiente.

Alende ne’e, menus rekursu umanu no laiha transporte atu fasilita pesoál sira identifikasaun problema sinál tránzitu sira iha estrada públiku.

“Preokupasaun edifísiu ne’e tenke aumenta espasu para atendimentu la’o di’ak,” Diretór Serbisu Diresaun Rejionál Transporte Terrestre Baucau hateten iha Vila nova, kinta ne’e.

DRTT munisípiu Baucau rasik liuhosi inkontru ho Ministériu Transporte no Telekomunikasaun iha nasionál hato’o ona prekupasaun sira referida tanba nu’udar diresaun rejionál halo atendementu ba munisípiu haat hanesan Manatuto, Lautém, Viqueque no Baucau.

“Tenke resposta para atendimentu ne’e di’ak liután, edifísiu ne’e aumenta tan para nia iha espasu,” Roberto da Cruz akresenta.

Diresaun Rejionál Transporte Terrestre munisípiu Baucau rasik iha departamentu lima, kompostu husi inspesaun transporte, tráfiku, terminál transporte, rejistu karta kondusaun, inklui administrasaun ho totál funsionáriu 14, kompsotu husi permanente na’in haat no kontratadu na’in-10.

Jornalista   : Natalino Belo 

Editór         : Rafael Ximenes de A. Belo

 

iklan
iklan

Leave a Reply

iklan
error: Content is protected !!