iklan

EKONOMIA, BOBONARO, HEADLINE, MUNISÍPIU

Trimestre dahuluk 2024, IPK grupu hotu hosi Rejiaun II tún ba -0,1%

Trimestre dahuluk 2024, IPK grupu hotu hosi Rejiaun II tún ba -0,1%

Kondisaun merkadu Maliana. Imajen Tatoli/Sérgio da Cruz.

BOBONARO, 09 maiu 2024 (TATOLI) – Institutu Nasionál Estatístika Timor-Leste (INETL) lansa relatóriu Índise Presu Konsumidor (IPK) trimestre dahuluk tinan 2024 iha Rejiaun II komposta hosi Bobonaro, Liquiçá, Covalima no Ermera ne’ebé hatudu katak grupu hotu tún ba -0,1%.

“Mudansa presu grupu hotu -0,1% tanba hetan kontribuisaun husi grupu alkól no Tabako -3.3%, ekipamentu manutensaun mobiliáriu uma laran -1.7% no transporte -0,5%, grupu hahan, bebidas no la’ós alkólika +0.4%, rekeresaun no kultura +1.7% no edukasaun +0.9% sai hanesan mudansa kontrariu ba inflasaun grupu hotu,” Diretora Estatístika Rejionál no Munisípiu, Maria do Carmo Moreira, koa’lia iha Bobonaro, kinta ne’e.

Grupu hahan no bebidas la’ós alkólika sa’e +0.4% tanba hetan impaktu maioria husi sub grupu foos +1.5%, modo-tahan +2.4%, bebidas, jus ai-fuan no modo-tahan +12.9%, susubeen, keiju no manutolun +2.4%, na’an +0.4%, ai-fuan +2.8% no kafé, xa, kokoa +0.3%.

Sub grupu mina no bokur -2.7%, masin-midar, marmelada, banibeen, chocolata no hahan midar -2.5%, ikan no hahan tasi -2,6% no produtu ai-han -0.8% sai hanesan mudansa kontráriu ba inflasaun grupu hanesan no bebidas la’ós alkólika.

Enkuantu fatór externa no interna ne’ebé fó posiblidade boot hodi afeta inflasaun mak hanesan; presu foos internasionál, kustu importasaun,valór osan dolar, presu mina transporte internasionál, kompetisaun merkadu doméstika, kustu fornesimentu, product (produtu tuir tempu).

Sekretáriu Autoridade Munisipál Bobonaro ba Asuntu Sosiál, Júlio Carvalho Caero, kontente no agradese tanba atividade ne’e foin realiza primeira vez iha munisípiu Bobonaro atu komunidade hotu bele hatene movimentu presu sasán iha merkadu, tanba IPK hanesan mós indikador ida atu sukat inflasaun no deflasaun.

“Ha’u husu ba INETL atu divulga informasaun ba ema hotu-hotu, atu ema komprende, nune’e bainhira mina folin sa’e, foos folin sa’e, liuhusi rezultadu ne’e fila-fali ba Governu bele foti ona medida fó subsídiu,” nia hateten.

Enkuantu atividade ne’e partisipa husi Administradór Postu Administrativu Maliana, Augusto Caetano no hetan partisipasaun másimu husi Diretór servisu Munisipál no Delegasaun Territoriál sira no estudante husi Institutu Of Bussines (IOB).

Notísia relevante: IPK grupu hotu tun ba -0,2% iha marsu 2024

Jornalista: Sérgio da Cruz
Editór: Evaristo Soares Martins

iklan
iklan

Leave a Reply

iklan
error: Content is protected !!