DILI, 22 maiu 2024 (TATOLI)– Governadór Banku Sentrál Timor-Leste (BCTL-sigla portugés), Helder Lopes, halo aprezentasaun ida kona-ba proposta lei relasiona ho Rejime Jurídiku Garantia Mobiliária sira nian, ne’ebé Konsellu Ministru no hetan aprovasaun.
“Ho proposta lei ida-ne’e, Governu iha objetivu atu kria ambiente ida ne’ebé favoravél ba investimentu privadu no, liuhusi dalan ne’e, atu hasa’e dezenvolvimentu ekonómiku País nian,” tenik iha nota ne’ebé Agência TATOLI asesu, kuarta ne’e.
Maske Governu liuhusi Konsellu Ministru aprova ona maibé sei submete fali ba Parlamentu Nasionál hodi halo diskusaun hafoin aprova no haruka ba Prezidente Repúblika promulga.
“Inisiativa ida-ne’e agora sei haruka ba Parlamentu Nasionál hodi halo diskusaun,” tenik iha nota ne’e.
Notísia relevante: BCTL aprezenta jestaun operasionál Fundu Petrolíferu ba Governu
Jornalista: Hortencio Sanchez
Editór: Florencio Miranda Ximenes
