iklan

BAUCAU, HEADLINE, MUNISÍPIU

MAE fahe informasaun kona-ba devér no direitu ba funsionáriu iha Baucau

MAE fahe informasaun kona-ba devér no direitu ba funsionáriu iha Baucau

Funsionáriu Administrasaun Munisípiu Baucau tuir diseminasaun informasaun husi Rekursu Umanu MAE iha salaun Apruamentu Vila nova, knta (13/06). Imajen Agência TATOLI/Natalino Belo.

BAUCAU, 13 juñu 2024 (TATOLI) – Ministériu Administrasaun Estatál (MAE) liuhusi Diresaun Nasionál Rekursu Umanu kinta ne’e, realiza atividade fahe informasaun kona-ba koñesementu devér no direitu funsionáriu iha admistrasaun munisípiu Baucau.

Diretór Nasionál Rekursu Umanu husi Ministériu Administrasaun Estatál, Venancio da Costa, esplika, atividade referida nu’udar planu asaun ne’ebé realiza iha kada munisípiu hotu inklui Baucau ligadu ho baze legál husi funsaun públiku nune’e aumenta koñesementu funsionáriu sira hodi halo kna’ar nu’udar ajente estadu liuliu atendimentu públiku.

“Ami-nia alvu ba funsionáriu hotu iha munisipiu, husi kargu xefia no ofisiál sira tenke hatene direitu no devér no proibisaun sira. Funsionáriu sira tenke iha koñesimentu hodi la’o-tuir,” Diretór Nasionál Rekursu Umanu MAE hateten iha Vila Nova, kinta ne’e.

Aktividade referida, realiza bazea ba dekretu-lei númeru 05/2009 ne’ebé fó kompeténsia ba Diresaun Nasionál Rekursu Umanu hodi fahe informasaun kona-ba estatutu funsaun públika, baze legál sira hanesan espesiál no jerál ba funsionáriu hotu iha nível munisipál nune’e bele hasa’e prestasaun serbisu.

“Funsionáriu balun ladún kumpre ba pontualidade, loron ruma sei konvida tán CAC no INSS hamutuk mai fali Baucau hodi fó formasaun ba sira,” Venancio da Costa akresenta.

Venancio da Costa, husu funsionáriu públiku hotu iha munisípiu Baucau atu nafatin kumpre baze legál sira husi funsaun públika, nunee bele komprende devér no direitu inklui bainhira iha futuru labele mosu dúvida kuandu iha ona faze reforma ba vida agrikultór.

Jornalista   : Natalino Belo 

Editór         : Evaristo Soares Martins 

iklan
iklan

Leave a Reply

iklan
error: Content is protected !!