DILI, 04 setembru 2024 (TATOLI)–Vise Koordenadór ba vizita Papa husi igreja no atuál Pároku igreja Santo António Motael, Pe. Guilhermino da Silva, hateten peregrine sira tama iha Tasi-Tolu liuhusi pontu entrada tolu.
Nótísia Relevante: Papa Francisco sei prezide misa solene iha Tasi-Tolu iha 10 setembru
“Pontu entrada tolu ne’e mak ponru entrada A, B no C. Saeani sira sei tama Tasi-Tolu, tuir ida-idak nia oráriu hodi partisipa misa solene ne’ebé Papa Francisco prezide iha 10 setembru 2024 iha tuku 16h30 lorokraik,” Pe. Guilhermino da Silva hateten liuhusi komferénsia imprensa iha Motael, kuarta ne’e.
Saserdote ne’e hateten, sarani sira husi munisípiu Dili sei tama iha portaun A iha odamatan 1-7 tuir oráriu ne’e, tama iha tuku 07h30–13h40 dadeersan.
Sarani sira husi munizípiu Baucau hahu tama iha iha tasi-Tolu liuhisi portaun B iha odamatan 1-7 ne’e hahú husi tuku 07h30-09h40 dadeersan.
Sarani sira husi munisipiu Bobonaru tama liuhusi portaun B no odamatan 1-7 hahú husi tuku 09h00-10h00 dadeersan.
Sarani sira husi munisípiu Viqueque sei tama iha Tasi-Tolu liuhusi portaun A no odamatan 8 hahu husi tuku 09h00-10h00 dadeersan.
Sarani sira husi munisipiu Ermera tama iha Tasi-Tolu liuhusi portaun B no odamatan 1-7 hahú husi tuku 10h00-11:00 dadeersan.
Sarani sira husi munisípiu Manatutu tama iha Tasi-Tolu liuhusi husi portaun A no odamatan 8 hahú husi tuku 09h00-10h00 dadeersan.
Sarani sira husi munisípiu Liquiça tama iha Tasi-Tolu liuhusi portaun B no odamatan 1-7 hahú husi tuku 11h00-12h00.
Sarani sira husi munisípiu Lautém tama iha Tasi-Tolu liuhusi portaun A no odamatan 8 hahú husi tuku 11h00-12h00.
Sarani sira husi munisipiu Ainaro tama iha Tasi-Tolu liuhusi portaun A no odamatan 7-8 hahú husi tuku 12h00-13h00 lorokraik.
Nótísia Relevante: Vatikanu lansa ona oráriu Papa Francisco hala’o vizita pastorál iha Timor-Leste
Sarani sira husi Rejiaun Admministrativa Espesiál Oé-Cusse Ambeno (RAEOA) tama iha tasi-Tolu liuhusi portaun B no odamatan 1-7 hahú husi tuku 09h00-10h00 dadeersan.
Sarani sira husi munisípiu Aileu tama iha Tasi-Tolu liuhusi odamatan númeru 7 hahú husi tuku 13h00-13h40 lorokraik.
Sarani sira husi munisípiu Cavalima tama iha Tasi-Tolu liuhusi portaun B iha odamatan 1-4 hahú husi tuku 13h00-13h40 lorokraik.
Sarani sira husi munisípiu Manufahi tama iha Tasi-Tolu liuhusi portaun A iha odamatan 8 hahú husi tuku 13h00-13h40 lorokraik.
Sarani sira husi munisípiu Ataúro tama iha Tasi-Tolu liuhusi portaun B iha odamtan númeru 6- 7 hahú husi tuku 13h00-13h40 lorokraik.
Portaun C númeru 1 destina ba sarani sira-ne’ebé la rejistu tama ba Tasi-Tolu hahú tama hahú husi tuku 07h30-13h40.
Ba peregrine sira husi stranjeiru ne’e, sira sei hahu tama iha Tasi-Tolu liuhusi portaun B iha odamatan númeru 5 hahú husi tuku 13h00-13h40 lorokraik.
Tuir nia, kada portaun no odamatan sei iha voluntariu SCANER ho membru Polísia Nasionál Timor-Leste (PNTL) no Falintil-Forsa Defesa de Timor-Leste (F-FDTL).
“Iha orientadór ne’ebé sei hatudu dalan ba sarani sira atu tama iha área misa nian. Voluntáriu sira mak sei akompaña sarani sira ba to’o iha sira-nia fatin,” nia dehan.
Nótísia Relevante: Governu-Igreja hatuur ona meza modelu ró iha altar Tasi-Tolu
Jornalista : Jesuína Xavier
Editór : Cancio Ximenes
