António Soares hamonu matan-been bainhira Papa liu iha nia oin
DILI, 09 setembru 2024 (TATOLI)—Ema ho Defisiénsia, António Soares, ne’ebé ho kadeira roda, hamonu matan-been bainhira haree Papa Francisco liu iha dalan, maski la konsege kaer liman tanba karreta ne’ebé tula Amu Papa la’o ho velososade maka’as.
“Ha’u haree bainhira Papa Francisco liu haree de’it, maski la kaer liman ne’e mós sente kontente ona, tanba ita sarani barak hein Amu desde ohin dadeer to’o agora mai,” António Soares hateten iha Eskola 30 Agostu nia oin, Comoro, segunda ne’e.
Notísia relevante : Sarani sira fila ho kontente hafoin haree Papa Francisco
Maski ho kondisaun defisiénsia maibé aidadaun ne’e nafatin esforsu no konsege to’o hamriik iha oin.
“Importante bele haree de’it mós sente kontente no sente simu bensaun ona husi Papa,” nia akresenta.
Tuir observasaun Jornalista Agência Tatoli iha terrenu, nota katak sarani entuziasmu hodi hein Amu Papa.
Aleinde ne’e, sarani wain tanis bainhira haree Papa liu iha sira-nia oin.
Jornalista : Osória Marques
Editora : Julia Chatarina
