DILI, 11 setembru 2024 (TATOLI)—Sua Santidade Papa Francisco, kuarta ne’e, hala’o enkontru ho reprezentante dioseze Dili, Baucau no Maliana hamutuk 3.000 iha Sentru Konvensaun Dili (CCD, sigla portugés) iha tuku 09h30 dadeersan.
Durante enkontru ho joven Katóliku 3000 iha Sentru Konvensaun Dili (CCD) ne’e, Santu Padre sei la haluha foinsa’e timoroan sira-nia hamnasa midar, nune’e husu atu kontinua hamansa nafatin ba nafatin.
Durante enkontru ho joven sira, Santu Padre dehan buat seluk saida mak joven sira halo, maibé iha buat ida-ne’ebé foinsa’e sira halo iha ne’ebé-ne’ebé iha rai sira sleluk mós, joven sira gosta hakilar halo barullu.
“Ha’u agradese ba sira-ne’ebé ohin fó sasin no sira-nia pergunta. Agradese ba imi-nia dansa ohin, tanba buat ida dansa ne’e esprime ho ita-nia isin tomak no sentimentu. Imi rai ida-ne’e nakonu ho joven, iha buat ohin dadeer ha’u dehan bispu ida katak. ha’u sei nunka haluha imi-nia hamnasa. Imi labele para atu hamnasa, imi mak maioria iha povu Timor ne’e nakonu ho ksolok no esperansa, imi labele lakon entuziasmu,” Papa Francico hato’o iha nia diskursu
Nia dehan, imajina joven ida-ne’ebé laiha fiar ne’e joven ida nia oin naruk hanesan kuda, iha ne’ebé perante enkontru joven sira-ne’ebé prezente ho haklalak no hamansa makaas.
“Imi hatene saida mak halo ema ida oin nakraik ka triste ne’e, visu sira mak halo ema hanesan ne’e, ida-ne’e imi tenke kuidadu aan ba visu, tanba ema barak mai imi, ema sira ne’e ita hanaran vendedór felisidade sira ne’ebé faan felisidade ba imi. Sira-ne’ebé faan ba imi felisidade hanesan droga ne’ebé fó ba imi hanesan felisidade ne’ebé dura karik meia ora de’it, imi koñese buat hirak ne’e liu fali Santu Padre, imi kuiñese ka lae,” nia dehan.
Líder másimu Igreja Katólika ne’e, dezeja ba joven hotu atu alégria no barullu foinsa’e sira-nian, maibé imi labele haluha imi mak erdeiru liman rohan husi sira-ne’ebé harii ona nasaun ida-ne’e, tanba ne’e labele lakon memoria kona-ba istória, sira-ne’ebé uluk ona ne’ebé ho sakrifísiu barak harii no konsolida ona rai ida-ne’e.
Tuir nia, iha buat rua ne’ebé loosiha Papa nia fuan bainhira la’o iha dalan sira Dili laran ne’e mak juventude ho hamnasa, imi povu ida-ne’ebé hatene hamnasa no kontinua, no joven ida tenke hatene mehi no saida mak tenke halo hodi bele iha mehi la’ós hodi hemu alkóliku, ida-ne’e sei fó imi mehi aat.
“Ha’u konvida imi atu mehi kona-ba buat boot sira iha moris, joven sira-ne’ebé lahatene mehi nia ne’e hanesan reforma ona husi moris, joven sira tenke hatene halo baruillu atu hatudu imi-ne’e vida moris mak ne’e,” nia apela.
Joven sira-nia moris ne’e to’o iha dalan klaran entre moris labarik no ema katuas no ferik nian, no imi hatene saida mak rikusoin furak liu iha sosiedade ida-ne’e nia laran, ne’e mak ema katuas no ferik sira, avó sira, iha moris rohan ida iha labarik sira no rohan seluk iha katuas no ferik, maibé sira mak katuas no ferik ne’e mak fó matenek sabedória ba joven sira.
Jornalista : Nelson de Sousa
Editór : Cancio Ximenes
