LIQUIÇÁ, 11 setembru 2024 (TATOLI) – Peregrinu sira husi munisípiu Bobonaro, kuarta tuku 4;45 madrugada ne’e dezloka ona ba idak-idak nia fatin hodi husik fatin konsentrasaun iha área Kaitehu, aldeia Mota-Ikun, suku Mota-Ulun, postu administrativu Bazartete, Munisípiu Liquiçá ho ambiente moos, tanba plástiku, ákua mamuk aruma hotu iha lixeira.
Notísia relevante: Sarani rihun ida-resin husi Bobonaro konsentra ona iha Kaitehu
Tuir observasaun Agência TATOLI iha terrenu purvolta tuku 6:45 notak katak sei iha plástiku, akua mamuk balu sei naklekar iha ai-hún, tasi-ibun, tanba fatin lixeira ne’ebé komisaun organizadora prepara naresin hotu ona.
Enkuantu peregrinu ne’ebé partisipa iha misa solene ne’ebé prezide husi Papa Francisco ne’e hamutuk rihun ida-resin ne’ebé transporte ho karreta kuaze unidade 600.
Dezlokasaun peregrinu hirak-ne’e hetan seguransa másimu husi Polísia Nasionál Timor-Leste, komandu munisípiu Bobonaro no FALINTIL-Forsa Defeza Timor-Leste (F-FDTL) destakamentu postu Tunubibi.
“Ami fila ona ba Maliana, adeus Papa Francisco no espera viajen husi Timor-Leste a Singapura di’ak no kontinua hikas ho ekipa ba Roma,” Peregrinu husi Maliana ho naran fb, Ditha de Deus, espresa sentiment kontente ne’e husi dalan ba Maliana, kuarta ne’e.
Ho Ditha de Deus nia espreparasaun badak liuhusi video badak iha karreta laran halo peregrinu sira seluk kontente hodi Viva hakilar ‘Papa Francisco’.
Jornalista: Sérgio da Cruz
Editór: Evaristo Soares Martins
