DILI, 14 Juñu 2025 (TATOLI)-Ekipa jigante kapitál Dili ho naran istimadu Karketu Dili FC susesu iha nia jornada daruak hodi sona kuak nia adversariu AS Marca FC ho rezultadu 4-0 iha jogu kontinuasaun Liga Futeból Timor-Leste (LFTL) ne’ebé realiza iha Estádiu Glenu, sabádu lorokraik, ohin.
Husi vitoria ne’ebé ekipa identiku ho matak malirin ne’e rekolla, lori ekipa lidera provizória tabela klasifikasaun ho pontu neen. Jornada primeiru ekipa ne’e iha Estádiu Manatutu fulan kotuk konsege halakon nia adversariu AD SLB Laulara ho golu mihis 1-0.
Golu vitoria Karketu prodús husi jogadór Ologar Xavier iha minutu ualu, Ebener Hayford iha minutu 51, Daniel Adade iha minutu 52, no golu ikus hatama husi Arthur James iha minutu 68.
Golu haat ne’e fó kedan oportunidade ba Karketu Dili FC hodi gaña pontu tolu no AS Marca obrigadu tenke hela ho derrota, tanba rekolla de’it pontu ida bainhira empata ho Academica FC 0-0 iha jogu primeiru.
Notísia relevante: Liga primeira volta termina, Karketu FC provizoriu lidera ho pontu tolu
Jornalista : Hortencio Sanchez
Editora : Rita Almeida
