DILI, 22 Jullu 2025 (TATOLI)–Atleta Nasionál Modalidade Taekwondo, Siera Nisa Xavier Pinto gaña medalla osan-mean hafoin halakon atleta husi Portugál, Ana Clara Ribeiro iha envetu Jogu Desportivu Komunidade Nasaun Lian Portugés (CPLP-sigla portugeza) ba dala-XII 2025, Tersa ne’e.
Atleta Siera Pinto rekolla medalla referida hafoin iha jogu finál halakon atleta Ana Ribeiro ho kategoria númeru kilógrama 49 liuhosi ronde daruak ho pontu 2:0
“Ha’u oferese medalla ida-ne’e ba pai ho maen no hau rai-doben Timor-Leste,” Siera informa ba TATOLI hafoin ramata jogu iha Jináziu Dili.
Notísia relevante: Atleta timoroan na’in-rua hakat bá finál kompetisaun Taekwondo iha Jogu Desportivu CPLP
Siera hato’o sentimentu kontente no hato’o agradesimentu ba adeptu hotu ne’ebé apoia iha tribun bainhira kontra atleta Portugál referida.
Siera informa katak prestasaun ne’ebé iha rezultadu husi preparasaun ne’ebé hala’o liuhosi treinu no apoia husi família no futuru kontinua hatudu jugu hodi hamorin Timor-Leste iha mundu.
Siera ne’ebé hetan entusiazmu no suporta maka’as husi timoroan iha tribun, halo Siera halo atake ho espíritu aas, tan ne’e rezulta pontu iha ronde dahuluk ho skor 1 : 0 no volta daruak ho skor mihis 7 : 6.
Entretantu, Modalidade Taekwondo kategoria feto kilógrama 49 diretamente kompete iha finál tanba partisipa husi nasaun rua, Portugál no Timor-Leste ne’ebé sai nu’udár uma-na’in.
Jornalista: Natalino Belo
Editór: Xisto Freitas da Piedade
