DILI, 24 Marsu 2026 (TATOLI)—Treinadór prinsipál selesaun nasionál senior, José Pedro Alves Salazar, tersa ne’e, iha edifisiu Federasaun Futeból Timor-Leste (FFTL), anúnsiu katak FFTL hili ka halo selesaun ba jogadór 23 nu’udar Selesaun Nasionál seniór hodi prepara ba joga kontra Maldivas iha jogu kualifikasaun Tasa Ázia AFC 2027 ne’ebé realiza iha 31 Marsu 2026.
“Joga hasoru Maldivas ne’e importante tebes ba ita, ho nune’e mak ita halo ona selesaun ba jogadór hamutuk 23 no sira-ne’e fiksu ona iha lista,” Treinadór ne’e hateten liuhusi konferensia imprensa.
Nia dehan, durante ne’e halo selesaun ba jogadór hamutuk 35 maibé to’o ikus deside de’it 23 ne’ebé iha abilidade no kapasidade másimu hodi hala’o jogu.
Diretór selesaun nasionál FFTL, João Manico, hateten preparasaun ba jogu Timor-Leste kontra Maldivas hala’o hotu iha Dili no la halo preparasaun iha rai-li’ur.
“Joga kontra Maldivas ita hala’o hotu iha Dili, ita prepara ho fasilidade ita-nian ne’ebé iha. Fiar katak jogadór sira sei hatudu prestasaun di’ak iha jogu ne’e. Ida-ne’e jogu ikus, maibé sai importante ba ita,” Diretór ne’e dehan.
Jogu Kualifikasaun Tasa Ázia AFC 2027 ba ronda datoluk, Timor-Leste iha grupu A, ne’ebé hamutuk ho Tajikistan, Maldivas no Filipina.
Iha jogu Kualifikasaun Tasa Ázia AFC 2027ba ronde datoluk, Grupu A, Timor-Leste okupa iha liña terseiru hanesan, Tajikistan, Filipina, Timor-Leste, Maldivas.
Lista naran jogadór selesaun nasionál
Lista naran jogadór sira-ne’e selesiandu nu’udar selesaun nasionál mak hanesan tuir mai ne’e;
Alexander Lima husi klube Emmanuel Fc, Amancio Soares husi Emmanuel Fc, Anizo Correia husi Karketu Dili Fc, Claudio Osorio no Corsino Lemos husi Karketu Dili Fc, Dylan Niski husi Western Sidney Austrália, Eric Silva husi AD Sesimbra Portugál.
Filomeno Junior husi AD SLB Laulara, Filonito Nougeiro husi AD SLB Laulara, Galy Freitas husi, Persibaya Indonézia, João Pedro Kucing husi FC Malázia, João Rangel husi Leiston Inglaterra, Jonah Madeira husi Craigerbun Austrália, Liam Farrugia husi Nunawading Austrália.
Mouzinho Barreto de Lima husi AD SLB Laulara, Nelson Viegas husi Karketu Dili Fc, Nilton Carvalho husi Emmanuel Fc, Ricardo Rorinho husi Emmanuel Fc, Ryan Jom husi Canterbury Fc Austrália, Santiago Xavier husi Karketu Dili Fc, Tristan Arrarte husi Western Sidney Austrália, Genivio Gustavo husi Tanjong Pagar Singapura.
Jornalista : Hortencio Sanchez
Editór : Cancio Ximenes
