AINARU, 29 Abríl 2026 (TATOLI) – Prezidente Repúblika, José Ramos-Horta, minifesta profundu pezar ba jornalista sénior Otelio Ote ne’ebé hakotu ona iis iha Ospitál Rejionál Oekusi Ambeno, pur volta tuku 03:35 madrugada, Tersa ne’e.
Xefe Estadu espresa tristeza boot ne’e, hafoin partisipa iha Programa Televiziva “Horta Show”, ne’ebé realiza iha merkadu Maubisse, kuarta ne’e.
“Lakon bo’ot ida, ema di’ak ida no umilde. Reza ba nia. Lakon bo’ot mai ita no ba rai [Timor-Leste] ida ne’e. Ba sira nia família no mós ba jornalista hothotu ne’ebé lakon kolega di’ak ida,” Ramos-Horta informa ba jornalista sira iha Maubisse.
Rekorda katak antigu Prezidente Konsellu Imprensa, atuál asesór média Gabinete Rejiaun Administrativa Espesiál Oekusi Ambenu no fundadór ba Jornál Timor Post ne’e hahú baixa iha ospitál referidu iha loron-11 Marsu 2026, tanba sofre moras komplikada.
Notísia relevante: Família matebian Otelio Ote husu perdaun ba jornalista Timor-Leste
Jornalista: Afonso do Rosário
Editora: Isaura Lemos de Deus
