DILI, 01 Juñu 2026 (TATOLI)–Tribunál Judisiál Primeira Instánsia Dili (TJPID), Segunda ne’e, liuhusi Juiza Turnu Jumiati Freitas, hasai despaisu ba rezultadu interrogatóriu dahuluk kazu omesídiu Costancio Saldanha Bere, iha área Kuluhun, Aldeia Toko Baru II, Suku Kuluhun, Postu Administrativu Kristu Rei, Munisípiu Dili, iha Kinta (29/05), hodi aplika Prizaun Preventiva ba arguidu na’in-rua ne’ebé suspeitadu envolve.
Argudu na’in-rua ho inisiál ASP no JPX, tanba iha indísiu halakon Constancio Saldanha Bere nia vida, enkuantu arguidu CSP hetan medida koasaun Aprezentasaun Períodika semana ida dala-ida ba Polísia Eskuadra ne’ebé besik.
Defeza husi Arguidu na’in- tolu, Advogadu Privadu Américo Martins, hateten, CSP tenke aprezenta-an durante prosesu investigasaun ba kazu ne’e la’o.
“Prosesu interrogatóriu ba kazu omesídiu ne’ebé akontese iha Kuluhun halakon Costancio Saldanha Bere nia vida,” nia katak.
Prosesu interogatóriu judisiáriu ne’ebé hala’o iha Tribunál Judisiál Primeira Instánsia Dili (TJPID), Domingu (31/05), Ministériu Públiku (MP ne’ebé reprezenta husi Prokuradór Pedro Batista promove arguidu na’in-tolu JPX ASP, no CSP ho krime omesídiu simples ne’ebé previstu iha artigi 138 no lei arma branka bazeia ba lei númeru 5/2017 rejime jurídiku prátika arte-marsiál no arma branka.
Notísia relevante : Arguidu suspetadu oho nia kaben submete ba interrogatóriu judisiál
Iha alegasaun, MP ne’ebé reprezenta husi Prokuradór Pedro Batista alega arguidu na’in-tolu ho medida koasaun Prizaun Preventiva ba arguidu sira tanba sira-nia aktu priense elementu krime husi artigu 183 husi Kódigu Penál Timor-Leste. Tanba ne’e, MP solisita ba Tribunál atu aplika medida kausaun Prizaun Preventiva.
Antes ne’e, iha Sesta (29/05) tuku 02:00 madrugda ema deskoñesidu oho Costancio Saldanha Bere iha nia uma iha área Kuluhun tanba suspeitadu katak parte rua iha problema disputa rai.
Jornalista : Natalino Costa
Editora : Julia Chatarina
