KOVALIMA, 19 Juñu 2026 (TATOLI)- Tribunál Judisiál Primeira Instánsia (PJPI), Suai hala’o julgamentu primeiru interrogatóriu (PI) hodi aplika prizaun preventiva ba aguidu sira ne’ebé deskonfia envolve iha kazu omesídiu hasoru membru FALINTIL Forsa Defeza Timor-Leste ( F-FDTL) ho naran Joanico Araújo, iha Suku Mulo, Postu Administrativu Hutubiliko, Munisípiu Ainaro.
Kazu omesídiu ne’e akontese iha loron 11 Maiu, iha Suku Mulo Postu Administrativu Hatubiliko no mate isin hetan iha loron 13 Maiu iha área Beluli Raibere postu administrativu Hatu-Udo
Tuir komunikadu ne’ebé mak Jornalista TATOLI , Asesu husi Tribunál Judisiál Primeira Instánsia Suai katak, iha prosesu julgamentu ne’e, Tribunál Judisiál Primeira Instánsia Suai (TJPI) aplika medida koasaun Prizaun Preventiva ba arguidu na’in-haat no medida koasaun Termu Identidade no Rezidénsia (TIR) ba arguidu nain-ida, ne’ebé deskonfia envolve iha kazu omisídiu hasoru Joanico Araújo (membru F-FDTL) iha Aitutu, Munisípiu Ainaro.
Arguidu na’in-lima ne’ebé mak deskonfia envolve iha kazu omisídiu ne’e mak ho inisiál SA, DCC, FA, BM no TM aprezenta ona ba Tribunal hodi tuir Primeiru Interrogatóriu, ne’ebé realiza iha Tribunal Judisiál Primeira Instánsia Suai
Julgamentu ne’e TJPI hala’o iha loron 17 Juñu 2026.hafoin aprezenta faktu no elementu sira ne’ebé aprezenta durante audénsia nune’e Juiz Turnu deside aplika medida koasaun Prizaun Preventiva ba arguidu sira, no prosesu investigasaun sei kontinua tuir trámite legál sira ne’ebé aplikável.
Kazu ne’e dadaun klasifika hanesan krime Omisídiu Simples ne’ebé previstu no punível tuir Artigu 138 Kódigu Penál Timor-Leste, ho moldura penál prizaun hosi tinan 8 to’o tinan 20.
Medida koasaun ne’e aplika ho konsiderasaun ba nesesidade atu asegura prosesu investigasaun la’o ho regularidade, prevene risku, no garante preservasaun prova sira tuir lei haruka.
Julgamentu Primeiru Interogatóriu ne’e lidera husi Juiz Turnu, ho partisipasaun husi Ministériu Públiku no Defensór Públiku ne’ebé fó asisténsia jurídika ba arguidu sira.
Jornalista:Celestina Teles
Editór:Florencio Miranda Ximenes
