Kandidatu akademia militár na’in-62 hahú tuir teste aptidaun
DILI, 26 Agostu 2026 (TATOLI)–Diretór Interinu Institutu Defeza Nasionál (IDN) Nuno Corvelo, hateten, kandidatu akademia militar na’in-62 daudaun ne’e hahú tuir teste aptidaun mitár iha Sentru Instrusaun Komandante Nicolau Lobato Metinaru.
“Sira agora komesa tama ona ba faze finál teste aptidaun militár. Lakleur tan semana oin hanesan ne’e ita-boot sira bele rona fali rezulta teste ida-ne’e, naturalmente apartir fulan-oin ita bele komesa no ano bestibular,” Nuno Corvelo informa ba jornalista sira iha Palásiu Governu, Kuarta ne’e.
Notísia relevante : Kandidatu estudante na’in-63 Akademia Militár Konjunta hakat ba teste aptidaun
Nia dehan, teste aptidaun militár ba kandidatu Akademia Militar sira hala’o durante loron-10 nia laran.
Kuandu iha teste ida-ne’e mak kandidatu sira la prontu maka sei elemina tan sira no ba hirak ne’ebé mak liu iha teste ida-ne’e mak sei avansa ba prosesu finál hodi hahú eskola Akademia Militar Konjunta.
Diretór Interinu esplika, teste ne’e atu teste kandidatu Akademia Militar Konjunta iha treinu sira-nia mentál no disiplina inklui kona-ba husu sira-nia protidaun ba militár.
Jornalista : Natalino Costa
Editora : Julia Chatarina
