Dili Leste sai kampeaun ba Kopa Juvenil U-17 feto 2026

DILI, 13 Novembru 2026 (TATOLI)–Primeiru-Ministru, Kay Rala Xanana Gusmão, sesta ne’e, hamutuk ho delegasaun dezloka ba Filipina hodi partisipa iha simeira ASEAN no hala’o enkontru relasionadu 49th ASEAN Summit and Related Summits durante semana jda hahú husi 11-18 Novembru 2026.

Partisipasaun PM Xanana iha enkontru rejionál ne’e sei reprezenta Timor-Leste iha diskusaun no enkontru nível lideransa ho Estadu-Membru ASEAN, parseiru diálogu no organizasaun internasionál, ho objetivu atu hametin kooperasaun rejionál no promove interese nasionál Timor-Leste.

Aleinde partisipasaun Xefe Governu ho delegasaun ne’e mós reprezenta kompromisu Timor-Leste nian atu kontinua kontribui ba prosesu integrasaun rejionál, depois sai membru permanente ASEAN nian nu’udár Estadu-Membru 11º, iha 26 Outubru 2025.

Programa ofisiál Simeira ASEAN hahú ho enkontru preparatóriu iha nível funsionáriu seniór no ministru sira, molok kontinua ho enkontru nível Xefe Estadu no Xefe Governu nian.

Nune’e, iha loron 15 fulan- Novembru, PM Xanana sei partisipa iha serimónia abertura Simeira ASEAN ba da-49, ne’ebé sei inklui aprezentasaun akordu kuadru ba akonomia dijitál (Digital Economy Framework Agreement), inaugurasaun símbolu ASEAN ne’ebé atualiza, hasa’e bandeira ASEAN foun no serimónia entrega ASEAN Prize.

Iha loron hanesan, sei hala’o mós Simeira ASEAN iha sesaun plenária no sesaun retreat, ne’ebé sei fó oportunidade bá líder sira atu diskute asuntu estratéjiku ne’ebé relevante bá futuru ASEAN no kooperasaun entre Estadu-Membru sira.

Xefe Governu mós sei partisipa iha enkontru entre Líder ASEAN ho reprezentante husi Parlamentu ASEAN (AIPA), reprezentante juventude ASEAN no Konsellu Konsultivu Negósiu ASEAN (ASEAN-BAC). Enkontru sira-ne’e sei aborda kontribuisaun hosi parlamentu, juventude no seitór privadu bá prosesu dezenvolvimentu no integrasaun rejionál.

Iha 16 Novembru, Primeiru-Ministru Xanana Gusmão sei partisipa iha simeira ASEAN ho parseiru sira, inklui Repúblika Populár Xina, Repúblika Koreia, Nasoins Unidas no Austrália. Enkontru sira-ne’e sei fó oportunidade atu hametin relasaun kooperasaun entre ASEAN no parseiru estratéjiku sira.

Iha 17 Novembru, ajenda sei kontinua ho simeira ASEAN ho Parseiru Tolu (ASEAN Plus Three), reuniaun lideransa komunidade Ázia Zero Emisaun (AZEC), simeira ASEAN-Japun, simeira ASEAN-Índia no simeira Ázia Leste (East Asia Summit–EAS) ba da-21

Iha loron hanesan, sei hala’o serimónia enseramentu simeira ASEAN ba da-49 no enkontru relasionadu, hamutuk ho serimónia entrega Prezidénsia ASEAN bá Singapura, ne’ebé sei assume lideransa ASEAN iha períodu tuirmai.

Enkontru sira-ne’e sei sai parte importante hosi esforsu ASEAN atu hametin unidade, estabilidade, seguransa, prosperidade ekonómika no kooperasaun ho parseiru internasionál, iha kontestu dezenvolvimentu rejionál no mundiál.

Enkuantu programa ne’e sei remata ho partida delegasaun sira iha loron 18 Novembru 2026.

Jornalista : Alexandra da Costa

Editór       : Cancio Ximenes