COVALIMA, 08 fevereiru 2023 (TATOLI)–Polísia Nasionál Timor-Leste (PNTL) Covalima, liuhosi seksaun Polísia Investigasaun no liuhosi Polísia Imigrasaun deporta sidadaun na’in-lima (5) inklui ró ba Indonézia.
“Ohin loron ikus, ha’u koordena ona ho Ministériu Públiku (MP) mós haree ona asuntu ne’e. Vervalmente Koordenadór Prokuradór Covalima autoriza atu komandu munisípiu Covalima deporta sidadaun na’in-lima inklui sira-nia ró ne’ebé sira lori agora aat hela iha postu Unidade Polísia Maritima (UPM),” Komandante PNTL Munisípiu Covalima, Superintendente Polísia Basilio de Jesus hateten ba jornalista sira, iha komandu PNTL Covalima, Santa Rosa, kuarta ne’e.
Hafoin koordena ho M, Embaixadór Indonezia iha Timopr-Leste mós kontaktu hodi husu Komandate PNTL atu apoiu transporte hodi tula sasán hosi Atambua-Kupang mai Timor-Leste banhira sira fila bele tula sidadaun na’in-lima ho sira-nia ró.
Sidadaun na’in-lima inklui ho sira-nia ró ne’e, UPM la’ós halo apreensaun tanba sira la’ós ilegál mai iha TL, maibé sira na’in-lima ne’e bolu dehan pasajen inosente bainhira laloran tasi no anin boot halo no lori sira-nia ró aat, entaun sira buka meiu atu salva sira-nia vida mosu iha tasi Suai Loro, tanba tasi Timor-Leste baliza ho tasi Atambua-Indonézia.
Razaun sidadaun Indonézia na’in-lima dehan pasajen inosente, tanba sira laiha objeitvu atu mai iha territóriu Timor, tanba ró kondisaun aat no sira buka meiu nune’e atu salva sira-nia vida hodi mai iha tasi timor.
Tuir informasaun ne’ebé sira-informa, sira iha tasi livre kuaze 200-ba leten hosi tasi TL ne’ebé fronteira ho tasi Indonézia, bainhira sira iha tasi livre ho laloran tasi no anin boot hodi halo sira-nia ró aat.
“Saida mak sira tenta bele moris, nune’e sira buka meiu fatin ne’ebé terrestre besik liu ita-nia tasi parte fronteira súl área Covalima mak besik liu entaun sira buka meiu atu atraka ita-nia tasi Timor,” nia informa.
Hafoin sira to’o terrestre iha loron domingo ne’e, iha tasi ninin, Polísia Maritima hetan sira-nia ró ho kondisaun aat, tanba sira kongese atraka mai entaun UPM atua sira hafoin salva sira na’in-lima mai iha terrestre inklui ho sira-nia ró ne’ebé aat ne’e tama iha Timor.
Jornalista : Celestina Teles
Editór : Cancio Ximenes
