DILI, 23 fevereiru 2023 (TATOLI) – Governu planeia atu kria Lei Baze Indústria ho objetivu atu define baze sura polítika nian ba setór indústria.
Tanba ne’e, Vise-Ministru Komérsiu no Indústria, Domingos Lopes Antunes, aprezenta, iha reuniaun Konsellu Ministru, kinta ne’e, opsaun sira piolítika lejizlativa sai hanesan inisiativa hodi kria lei refere.
“Kriasaun Lei Baze Indústria ida-ne’e ho objetivu atu define baze sura polítika nian ba setór indústria, prinsípiu orientadór sira ba ninia dezenvolvimentu no funsionamentu no atu hasa’e kualidade moris populasaun país nian”, Ministru Prezidénsia Konsellu Ministru, Fidélis Magalhães, informa iha Palásiu Governu.
Aleinde ne’e mós atu garante adosaun ba medida sira ba promosaun dezenvolvimentu ne’ebé sólidu, hadi’a ninia operasionalidade, nune’e kontribui hodi hadi’a susbisténsia pesoál no dezenvolvimentu ekonomia nasionál ne’ebé sólidu.
“Ne’e foin faze aprezentasaun, tuirmai mak submete hikas hodi halo diskusaun kle’an kona-ba prosesu sira”, afirma.
Jornalista: Antónia Gusmão
Editora: Maria Auxiliadora
