DILI, 17 abril 2023 (TATOLI)—Ministériu Turizmu Komérsiu no Indústria (MTKI) liuhosi Diresaun Inspesaun Jerál Jogu (IGJ, sigla portugés) rekolla reseita hosi jogu ilísitu ka hamutuk $1.148.399,91 ba kofre Estadu.
“Reseita ne’e rekolla hosi janeiru to’o marsu 2023,” Inspetór Jerál Jogu, Domingos da Costa Guterres, hateten ba Agência Tatoli iha ninia knaar fatin, Bebora, segunda ne’e.
Notísia relevante : IGJ rekolla reseita milliaun $3 resin hosi jogu ilísitu no bola guling
Reseita ne’ebé rekolla mai hosi jogu hanesan lotaria, toto bola, slot machine, no bola guling.
Nia dehan, bola guling rasik daudaun ne’e iha kapitál Dili loke fatin ualu hanesan iha Becora, Comoro, Kuluhun, Bairru-Pité no fatin seluk tan, iha munisípiu Manatuto, Viqueque, Bobonaro iha fatin tolu, no Ermera iha fatin rua
“Ba jogu sira seluk hanesan toto bola iha Dili ita iha rua de’it maibé ho nia sukursál entaun hamutuk lima, lotaria ne’e iha lubuk ida mak lotaria rudal, amizade, toto fitun no seluk tan, ba slot machine iha rua,” nia informa.
Jornalista : Arminda Fonseca
Editora : Julia Chatarina
