DILI, 26 juñu 2023 (TATOLI)-–Ezekusaun reál Orsamentu Jerál Estadu (OJE) 2023 ba Todo Governo, esklui kompromisu no obrigasaun sira to’o iha sábadu (24/06), ein termu nominál atinje ona millaun $552 hosi orsamentu aprovadu biliaun $2,16.
“Ezekusaun reál OJE 2023 ba Administrasaun Sentrál ein termu nominál atinje ona millaun $529 hosi totál orsamentu alokadu biliaun $1,8. Enkuantu Autoridade RAEOA – ZEESM ezekuta ona millaun $22,6 hosi orsamentu alokadu millaun $120,” refere nota ne’ebé Agência Tatoli asesu, segunda ne’e.
Notísia relevante : Governu gasta ona OJE 2023 millaun $461,7 to’o loron 11 juñu
Ezekusaun OJE 2023 iha Administrasaun Sentrál a’as liu mak iha liña ministeriál ne’ebé ezekuta ona millaun $398, hosi orsamentu alokadu biliaun $1,2. Tuir kedan ho Ajénsia Autónoma ho nia ezekusaun atinje ona millaun $72,9 hosi orsamentu alokadu millaun $218,3.
Autoridade Munisipál ezekuta ona millaun $38,8, hosi orsamentu alokadu millaun $81,3, Fundu Infraestrutura (FI) ezekuta ona millaun $12,4 hosi orsamentu alokadu millaun $202,7.
Enkuantu, Fundu Dezenvolvimentu Kapitál Umanu (FDCH, sigla portugés) ezekuta ona millaun $4,7 hosi orsamentu alokadu millaun $17,8 no Fundu COVID-19 ezekuta ona millaun $2,2 hosi orsamentu alokadu millaun $18.
Jornalista : Antónia Gusmão
Editora : Julia Chatarina
