DILI, 21 agostu 2023 (TATOLI)–Ministru Asuntu Kombatente Libertasaun Nasionál, Gil da Costa Monteiro “Oan Soru”, atirbui sertifikadu rekoñesimentu orden Komandante Xefe FALINTIL Kay Rala Xanana Gusmão ba Konsellu Solidariedade Estudante Timor-Leste (KSETL) hamutuk 231 iha Baucau.
Notísia Relevante: DSMPPTT aprezenta problema edukasaun ba Prezidente Repúblika
Atribuisaun sertifikadu ne’e iha loron FALINTL ba dala-48 iha 20 agostu 2023 ne’e, hodi fó rekoñesimentu ba KSETL ne’ebé iha tempu okupasaun Indonézia fó mós sira-nia kontribuisaun ba luta independénsia Timor-Leste nian.
Membru Konsellu Solidariedade Estudante Timor-Leste (KSETL) ka Membru Dewan Solidaritas Mahasiswa Pemuda dan pelajar Timor-Timur Munisípiu Baucau (DSMPPTT-MB) hamutuk 231 ne’e maihosi postu administrativu Baucau Vila, Laga, Quelicai, Baguia, Venilale no postu administrative Vemasse.
“Agradese ba inan no aman, juventude feto no mane, ferik no katuas, grasa a deus ho entidade hotu-hotu nia barani hamutuk ho Konsellu Solidariedade Estudante Timor-Leste, bele konsege salva gerrileiru sira lubuk boot ida inklui Komandante Cornelio Gama “L7” ne’ebé mak luta ba ukun rasik aan durante tinan 24 nia laran,” Gil da Costa Monteiro “Oan Soru” hateten liuhosi komuniakdu ne’ebé Agência Tatoli asesu, segunda ne’e.
Ida-ne’e, tuir nia, la’os servisu ne’ebé fasil maibé husu entidade hotu-hotu atu halo reflesaun, reativa entidade hotu-hotu nia prezente no mai ita hamutuk projeta ita-nia futuru, futuru Timor-Leste ne’ebé diak liu ba nasaun no ba nia povu.
Notísia Relevante: Rai-Hún Mutin Sa’e Daudaun Ona..! (XV)
Jornalista : Osória Marques
Editór : Cancio Ximenes
