VIQUEQUE, 14 marsu 2024 (TATOLI)— Diretór Servisu Eduksaun Munisípiu Viqueque, Domingos Brandão, informa, orsamentu ba implementasaun programa merenda eskolár tinan 2023 ne’ebé la konsege ezekuta ho montante $42.325,78 devolve fali ona ba kofre Estadu.
“Devolve osan restu sira ne’ebé eskola sira uza ba programa merenda eskolár, maibé la konsege ezekuta hotu. Nune’e osan restu $42,325.78 hatama fali ba kofre Estadu”, Diretór ne’e relata ba Agência TATOLI,I.P iha kinta ne’e.
Razaun devolve, nia dehan tanba regra ba implementasaun progama merenda eskolár ne’e bainhira osan restu iha eskola implementadór sira tenke hatama hotu ba iha kofre Estadu, karik la hatama sei la implementa programa refere.
Nune’e, Autoridade Edukasuan ne’e orienta ona eskola sira iha Viqueque hodi devolve fali osan restu, nune’e Governu bele prevee fali orsamentu ba merenda eskolár ba tinan ne’e.
Tuir dadús eskola Ensinu Báziku Central (EBC) 18 no eskola sira-ne’ebé devolve orasamentu ba programa merenda eskolár maka hanesan Ensinu Báziku Central (EBC) 01 Viqueque Vila ho totál benifísiáru ka estudante hamutuk 1.529, Ensinu Báziku Central 03 Beaco Viqueque Vila totál benifísiáru 1.336 , EBC 07 Uatulari benifísiáriu 2.160.
EBC 08 Umusege Uatulari ho benifísiáriu 991, EBC 09 Henaudere benifísiáriu 442, EBC 11 Naedala totál benifísiáriu estudante 1.009, EBC 12 Uani Uma Uatucarbau ho nia benifísiáriu 552, EBC 13 Uatucarbau ho benifísiáriu 1.018, EBC 14 de 28 novembru Uatucarbau ho benifísiáriu 818 no EBC 15 Mundu Perdidu Ossu ho benifísiáriu 1.796
Entretantu, EBC 16 Ossolequimeta Ossu ho 823, EBC 17 Nahareka ho benefisiáriu 677 no EBC 18 Bimali benifísiáriu 964.
“Husi eskola sira-ne’e horiseik hatama ona sira-nia osan restu ba iha banku. Tuir planu programa merendar eskolár sei hahú implementa iha fulan maiu, maibé depende desizaun hosi nasaionál”, nia konklui.
Notísia relevante:Governu sei implementa merenda eskolár iha fulan ne’e
Jornalista : Vitorino Lopes da Costa
Editór : Florencio Miranda Ximenes
